Þor­valdur Þórð­ar­son eld­fjalla­fræð­ingur var gestur í Viku­lok­unum á RÚV í morgun, þar sem hann útskýrði hætt­una á sprengigosi úti fyrir Reykja­nesskaga. Hann benti á að skjálft­arnir hefðu fært sig að sjónum. „Ef þetta er kviku­gangur sem hefur farið alla leið, eins og skjálft­arnir sýna, þá er hann kom­inn út í sjó, undir grunn­svæðið. Ef kvikan fer þar upp og það verður gos, þá fáum við ösku­gos,“ sagði hann. „Við köllum það sprengigos, en þetta verður aldrei neitt svaka­lega öfl­ugt sprengigos. Við erum ekki að tala um gos eins og í Heklu eða Öræfajökli, eða þess háttar. Aflið í gos­inu myndi verða svipað því sem við myndum fá ef gosið væri upp á landi.“

Hætta á gusthlaupi

Munurinn er hins vegar sá að utan­kom­andi vatn hrað­kælir kvik­una. „Þá sundr­ast hún meira og myndar meira af ösku. Þá er allt sem kemur upp miklu fínna í korn­inu. …