Fjárhagsáætlun Garðabæjar gerir ráð fyrir því að útsvar í sveitarfélaginu verði hækkað úr 13,92 í 14,48 prósent. Gangi þau áform eftir mun útsvarið í Garðabæ, sem íbúar sveitarfélaga greiða til að standa undir ýmiskonar þjónustu innan þess, ekki lengur vera það lægsta á höfuðborgarsvæðinu að óbreyttu. Sá titill færist yfir til Seltjarnarness, þar sem útsvarið er 14,31 prósent og engar hækkanir hafa verið boðaðar.
Ljóst er að ákvörðunin, sem tekin er af sveitarstjórn þar sem Sjálfstæðisflokkurinn hefur hreinan meirihluta, var ekki auðveld. Í tilkynningu sem birt er á vef Garðabæjar vegna þessa segir að aðgerðin muni bæta rekstur þess hluta sveitarfélagsins sem rekinn er fyrir skattfé um einn milljarð króna og tiltekið að fasteignagjöld, sem eru hinn stóri reglulegi tekjupósturinn í rekstri Garðabæjar, muni ekki verða hækkuð umfram verðlag. Sérstaklega er tiltekið að útsvar verði „eftir sem áður (lang) lægsta útsvarshlutfall á …
Athugasemdir