Í september 1991 fundu þýsk hjón lík í rúmlega 3.200 metra hæð í skriðjökli einum í Ötzal-fjöllum á landamærum Austurríkis og Ítalíu. Greinilegt var að líkið hafði verið fast í jöklinum en komið í ljós að hálfu þegar jökullinn hóf að hopa nokkru áður. Yfirvöld sóttu líkið, sem reyndist af karlmanni, og hófust handa um að rannsaka hvað hefði komið fyrir.

Svona kom Ötzi fyrir sjónir 1991.

Í fyrstu var talið víst að þarna hefði verið á ferð fjallgöngumaður sem hefði orðið úti fyrir einhverjum árum eða jafnvel áratugum, en það reyndist fjarri öllum sanni.

Karlinn reyndist nefnilega hafa dáið fyrir meira en 5.200 árum þarna á jöklinum og síðan hulist snjó rétt eftir andlátið og líkið af þeim sökum varðveist einstaklega vel allan þennan tíma.

Vísindamenn komust nú í feitt og hafa æ síðan verið að rannsaka Ötzi hátt og lágt, en það nafn fékk hann eftir jöklinum þar …