Sjö til 35 ein­stak­lingar hafa greinst viku­lega með Covid-19 hér á landi í PCR prófum og klínískum grein­ingum á síð­ast­liðnum þremur mán­uðum, sam­kvæmt upp­lýs­ingum frá Embætti land­læknis. 

Sýni hafa aðal­lega verið tekin á Land­spít­ala og Sjúkra­hús­inu á Akureyri að und­an­förnu, ann­ars vegar til þess að hægt sé að með­höndla fólk rétt og hins vegar til þess að koma í veg fyrir að smit ber­ist til ann­arra sjúk­linga eða starfs­fólks. 

Heilsu­gæsla höf­uð­borg­ar­svæð­is­ins er hætt að taka sýni vegna ein­kenna Covid-19 og tekur ein­ungis sýni hjá fólki sem er á leið til landa sem krefj­ast nei­kvæðs Covid-19 prófs ferða­manna við kom­una þangað. 

Greind sýni hafa því verið mjög fá að und­an­förnu. Líklega eru fleiri smit­aðir úti í sam­fé­lag­inu, og vita ýmist af því með því að taka heima­próf eða gera sér ekki grein fyrir því að þeir séu með Covid. Land­lækn­is­emb­ættið hefur ekki upp­lýs­ingar um það hve margir þeir ein­stak­lingar eru.