„Ef ég mæti í tíma þá er ég stundum daga að jafna mig, og er tími þess virði að vera daga að jafna sig? Nei, eig­in­lega ekki,“ segir Hilmar Smári Finsen, 30 ára meist­ara­nemi í náms- og starfs­ráð­gjöf við Háskóla Íslands. Hann segir að tækni­legar lausnir fyrir nám á tímum Covid hafi veru­lega bætt aðgengi að námi við skól­ann. Án þess­ara lausna hefði hann ekki getað klárað BA-námið og gæti ekki séð fyrir sér að klára meist­ara­námið.

Þann 3. mars 2016 lenti Hilmar í bílslysi. Eitt dekkið á bílnum hans sprakk á ferð sem leiddi til þess að hann missti stjórn á bílnum sem end­aði á steini. Í slys­inu þrí­brotn­aði hann á ökkla og brotn­aði einnig á tveimur stöðum á bak­inu. Slysið hafði þær afleið­ingar að hann lifir nú við allt að 70 pró­sent skerta hreyfi­getu. Hreyfi­hömlun hans gerir það að verkum að ein­föld verk­efni geta tekið marg­falt lengri tíma …