Breki Karlsson: „Fólk komið með upp í kok“

Breki Karlsson, for­maður Neyt­enda­sam­tak­anna, gefur Úrvinnslu­sjóði fall­ein­kunn í starfi sínu að auka til­trú almenn­ings á end­ur­vinnslu­kerfum lands­ins. Samtökin, ásamt Land­vernd, hafa reynt að fá áheyrn­ar­full­trúa í stjórn sjóðs­ins en ekki fengið. Breki segir sjóð­inn gegna lyk­il­hlut­verki í að koma á hringrás­ar­hag­kerfi hér á landi. 

„Það eru fjölda sam­taka sem hafa það að mark­miði að efla hringrás­ar­hag­kerfið og að stuðla að sjálf­bærri þróun. Úrvinnslu­sjóður á að leika lyk­il­hlut­verk í því starfi og það er mjög skrýtið að einu hags­muna­að­il­arnir sem ekki fá sæti við þetta borð eru þeir sem bera þetta fyrir brjósti að efla hringrás­ar­hag­kerfið. Það er alveg aug­ljóst að það er ekki meg­in­starf atvinnu­lífs­ins að end­ur­vinna og það höfum við séð. Ef við ætlum í alvör­unni að efla eða koma hér á hringrás­ar­hag­kerfi þá verðum við að fá ein­hverja sem brenna fyrir það og hafa hag af því að koma því á. Það fyr­ir­komu­lag erum við ekki með …