Árið 2018 var Gilbert King Pulitzerverðlaunahafa boðið að tala á ráð­stefnu um bók sem hann hlaut verð­launin fyrir, bók­ina Devil in the Grove, sögu af fjórum ungum svörtum mönnum í Mið-Flórída, sem voru rang­lega sak­aðir og dæmdir fyrir að hafa nauðgað hvítri konu árið 1949, og lög­fræð­ing­inn sem barð­ist fyrir þá. Eftir ráð­stefn­una sat Gilbert við borð, upp­tek­inn við að árita bækur, þegar dóm­ari kom að honum og rétti honum nafn­spjald. Aftan á spjaldið hafði dóm­ar­inn skrifað annað nafn, Leo Schofield, og undir því: Hann er sak­laus. 

Ein­hverju síðar ákvað Gilbert að hringja í dóm­ar­ann sem svo sagði Gilbert sög­una af Leo, að árið 1987, þegar Leo var 21 árs, var 18 ára eig­in­kona hans, Michelle, myrt á hrotta­legan hátt. Tveimur árum seinna er Leo dæmdur í lífs­tíð­ar­fang­elsi fyrir morðið, það var fyrir meira en þrjá­tíu árum síðan. Það sem dóm­ar­inn vildi segja honum var að sautján árum eftir morðið á Michelle komu ný sönn­un­ar­gögn af vett­vangi í ljós sem tengdu annan mann við glæp­inn. Mann sem átti sögu um ofbeldi  í nágrenn­inu og saka­skrá sem sann­aði það. Sá átti reyndar líka sögu um kerfi sem brást honum þegar for­eldrar hans beittu hann ofbeldi.

En Flór­ídaríki vildi ekk­ert með slíkar upp­lýs­ingar gera en Gilbert vildi kom­ast að sann­leik­anum og fékk Kelsey Decker pródúsent í lið með sér. Saman eyddu þau nær fjórum árum í að rann­saka málið sem stækk­aði bara og stækk­aði í hverjum þætti og órétt­lætið sem Leo varð fyrir af hálfu rík­is­ins varð alltaf aug­ljós­ara og aug­ljós­ara.