Aðgerðir Samherja gagn­vart lista­verki Odds Eysteins Frið­riks­sonar, Odee‘s, eru til þess gerðar að verja vöru­merki fyr­ir­tæk­is­ins, „svo sem öll fyr­ir­tæki myndu gera hvar­vetna í heim­inum“, að því er segir í til­kynn­ingu sem Þor­steinn Már Bald­vinns­son, for­stjóri Samherja, hefur birt á vef­síðu fyr­ir­tæk­is­ins. Þar segir enn fremur að fyr­ir­tækið hafi „leitt hjá sér túlk­anir á list og tján­ing­ar­frelsi“. Lista­mað­ur­inn sjálfur, Odee, segir aðgerðir Samherja rit­skoðun og for­dæmir þær.

Samherji fékk síð­ast­lið­inn föstu­dag lagt lög­bann úti í Bret­landi á vef­síð­una sam­herji.co.uk þar sem Odee birti afsök­un­ar­beiðni í nafni Samherja til namibísku þjóð­ar­innar. Vefsíðan er hluti af lista­verk­inu „We‘re Sorry“ sem auk þess sam­anstendur af frétta­til­kynn­ingu sem send var út á fjöl­miðla, yfir­lýs­ingu Odee‘s og stóru vegg­lista­verki í Lista­safni Reykja­víkur.

Í til­kynn­ingu Þor­steins Más segir að í upp­hafi lög­banns­kröf­unnar hafi verið „veittur hæfi­legur frestur til varna“. Það er í besta falli umdeil­an­legt þar eð Odee var kall­aður fyrir dóm­ara í Bret­landi síð­ast­lið­inn föstu­dag, sama dag og málið var tekið fyrir. Hann var þá staddur á Íslandi og í engum færum til að taka til varna eða útvega sér lög­menn til að gæta hags­muna sinna með svo stuttum fyr­ir­vara.

Gerir lítið úr listaverkinu með gæsalöppum

Í til­kynn­ingu Þor­steins Más kýs hann að tala um verk Odee‘s sem svo­kall­aðan „list­gjörn­ing“, innan gæsalappa. Þess má geta að verkið er loka­verk­efni Odee‘s frá Lista­há­skóla Íslands og eng­inn vafi á að um lista­verk er að ræða.

Lög­bannið hafi verið sett á vegna ólög­legrar notk­unar á vöru­merkjum Samherja. Gjörn­ing­ur­inn hafi náð til þriggja heims­álfa „var til­raun til mis­notk­unar send til 100 fjöl­miðla á Íslandi, Noregi, Banda­ríkj­unum, Bret­landi, Kanada og Ástralíu“.

Odee segir ekki rétt að til­kynn­ingin hafi verið send til íslenskra fjöl­miðla en stað­festir, við Heim­ild­ina, að hún hafi verið send út á 100 fjöl­miðla í öðrum löndum. 

Þá segir í til­kynn­ingu Þor­steins Más að eins og sjá megi liggi fyrir að „ráð­ist hefur verið í víð­tæka og kostn­að­ar­sama aðgerð gegn vöru­merki félag­ins“. Samkvæmt því sem Odee segir sjálfur við Heim­ild­ina var kostn­að­ur­inn við verkið undir 30 þús­und krónum og fólst einkum í kaupum á léni og máln­ingu.

Í við­tali við Odee sem birt­ist í nýju tölu­blaði Heim­ild­ar­innar sagði hann að Samherji væri með fram­göngu sinni að ráð­ast á tján­ing­ar­frelsi hans. „Þessi aðför Samherja, að mínu mati, er bara ofbeldi af þeirra hálfu og þving­anir. Þeir eru að reyna að valta yfir mig með sömu aðferðum og þeir hafa beitt áður. Sam­herj­a­menn eru þekktir fyrir ofbeldi gegn blaða­mönnum, emb­ætt­is­mönnum, lista­mönnum, hverjum sem gagn­rýna þá. Þeir taka slag­inn af mik­illi hörku og þeir hafa ekki gætt sann­girni að mínu mati, þannig að ég geti varið mig með eðli­legum hætti úti í Bret­landi. Það gagn­rýni ég harð­lega.“