Þessi grein birtist fyrir meira en 2 árum.

Samherji sver af sér að hafa beðist afsökunar á Namibíumálinu

Frétta­til­kynn­ing var send á er­lenda fjöl­miðla í nafni sjáv­ar­út­vegs­fyr­ir­tæk­is­ins Sam­herja þar sem beðist er af­sök­un­ar á Namib­íu­máli fyr­ir­tæk­is­ins. Frétta­til­kynn­ing­in og vef­síða með sama boð­skap eru hins veg­ar ekki frá Sam­herja kom­in held­ur er um föls­un að ræða.

Samherji sver af sér að hafa beðist afsökunar á Namibíumálinu
„We‘re Sorry“ Afsökunarbeiðnin er ekki frá hinu raunverulega sjávarútvegsfyrirtæki Samherja komin

Samherji hefur sent frá sér tilkynningu þar sem fullyrt er að fyrirtækið sæti skipulagðri árás. Ástæðan er sú að aðilar, ótengdir sjávarútvegsfyrirtækinu, hafa sent falsaða fréttatilkynningu á erlenda fjölmiðla, í nafni Samherja. Sömuleiðis hefur verið sett upp heimasíða í nafni fyrirtækisins, hýst í Bretlandi þar sem stendur stórum stöfum á forsíðu „Við biðjumst afsökunar“ (e. We‘re Sorry).

Í umræddri fréttatilkynningu segir að Samherji vilji með henni gefa út formlega afsökunarbeiðni vegna Namibíumálsins. „Við viðurkennum alvarleika ásakana á hendur okkur, meðal annars um spillingu, mútugreiðslur og nútíma nýlendustefnu. Með gjörðum okkar höfum við grafið undan stjórnkerfi Namibíu og svipt landið mikilvægum tekjum til heilbrigðis- og menntamála.“

„Svo virðist sem um sé að ræða skipulagða árás sem fyrirtækið tekur mjög alvarlega“
úr tilkynningu Samherja

Í hinni uppdiktuðu tilkynningu er jafnframt sagt að Samherji sé fyrirtæki sem sé annt um mannréttindi og félagsleg réttindi og því taki það fulla ábyrgð á gjörðum sínum. Samherji heiti fullu samstarfi við yfirvöld, íslensk jafnt sem namibísk, auk annarra. Þá sé fyrirtækið reiðubúið til að bæta fyrir gjörðir sínar, með því að koma „stolnum eignum“ namibísku þjóðarinnar aftur til sinnna réttmætu eigenda.

Í lok fréttatilkynningarinnar er bent á að hægt sé að fá frekari upplýsingar með því að hafa samband við Friðriku Eysteinsdóttur, upplýsingafulltrúa. Engin kona með því nafni er hins vegar til.

Á raunverulegri vefsíðu Samherja segir að hvorki umrædd heimasíða né umrædd fréttatilkynning  hafi nein tengsl við Samherja eða starfsmenn fyrirtækisins. „Svo virðist sem um sé að ræða skipulagða árás sem fyrirtækið tekur mjög alvarlega. Samherji mun óska eftir því að hin falska vefsíða verði tekin niður.“

 

Kjósa
20
Hvernig finnst þér þessi grein? Skráðu þig inn til að kjósa.

Athugasemdir (2)

Skráðu þig inn til að skrifa athugasemd eða kjósa.
  • Hlynur Vilhjálmsson skrifaði
    Samherji 2023: "Við biðjumst aldrei afsökunar á glæpum okkar."
    1
  • Sævar Helgason skrifaði
    Rússar að verki ?
    1
Allar athugasemdir eru ábyrgð á þeirra sem þær skrifa. Heimildin áskilur sér rétt til að fjarlægja ærumeiðandi og óviðeigandi athugasemdir. Hægt er að láta vita af athugasemdum með því að smella á Tilkynna.

Mest lesið

Brotthvarf að meðaltali hærra úr íslenskum háskólum en í OECD-ríkjum
3
Fréttir

Brott­hvarf að með­al­tali hærra úr ís­lensk­um há­skól­um en í OECD-ríkj­um

Nið­ur­stöð­ur nýrr­ar skýrslu OECD um há­skóla­mál sýna að brott­hvarf er hærra á Ís­landi en að með­al­tali í OECD-ríkj­um. Þá seg­ir að tryggja þurfi að ís­lensk­ir há­skól­ar standi jafn­fæt­is öðr­um OECD há­skól­um. „Þess­ar nið­ur­stöð­ur stað­festa að há­skóla­mál­in þurfa að njóta sér­stakr­ar at­hygli,“ seg­ir Logi Ein­ars­son menn­ing­ar-, ný­sköp­un­ar- og há­skóla­ráð­herra.
Náum ekki verðbólgumarkmiði fyrr en 2027 – launahækkanir lykilþáttur
4
Fréttir

Ná­um ekki verð­bólgu­mark­miði fyrr en 2027 – launa­hækk­an­ir lyk­il­þátt­ur

Vara­seðla­banka­stjóri seg­ir bank­ann gera ráð fyr­ir að verð­bólga hækki aft­ur áð­ur en hún lækk­ar. Spár Seðla­bank­ans geri ráð fyr­ir að verð­bólgu­markmið ná­ist á fyrri hluta 2027. Launa­hækk­an­ir sem tryggð­ar voru í síð­ustu kjara­samn­ing­um hafi gegnt lyk­il­hlut­verki í því að við­halda inn­lend­um hluta verð­bólg­unn­ar.

Mest lesið

Mest lesið í vikunni

Mest lesið í mánuðinum

„Ég er mjög stolt af því að hafa tekið þennan slag“
4
Fréttir

„Ég er mjög stolt af því að hafa tek­ið þenn­an slag“

Mann­rétt­inda­dóm­stóll Evr­ópu komst í dag að þeirri nið­ur­stöðu að ís­lenska rík­ið hefði ekki brot­ið á Bryn­dísi Ásmunds­dótt­ur. Hún seg­ir skrít­ið að tala um tap þeg­ar Mann­rétt­inda­dóm­stóll Evr­ópu veitti henni áheyrn. Nú geti hún loks náð and­an­um. Mark­mið­um um að vekja máls á brota­löm­um í ís­lensku rétt­ar­kerfi hafi náðst, ekki síst þeg­ar sig­ur vannst í öðru mál­inu.

Mest lesið í mánuðinum

Nýtt efni

Mest lesið undanfarið ár