Inn­flytj­endur standa mun verr í efna­hags­legu til­liti en inn­fæddir Íslend­ingar, tveir þriðju hlutar þeirra eru á leigu­mark­aði og byrði hús­næð­is­kostn­aðar er slig­andi fyrir yfir helm­ing þeirra. Fimmtán pró­sent inn­flytj­enda búa við efn­is­legan skort, þar af býr helm­ingur við veru­legan efn­is­legan skort. Fjár­skortur hefur komið í veg fyrir að einn af hverjum tíu inn­flytj­endum hafi getað greitt fyrir skóla­mat síð­asta árið og tæp átta pró­sent hafa ekki haft efni á leik­skóla­gjöldum eða gjöldum fyrir frí­stunda­heim­ili. Þá er and­leg heilsa inn­flytj­enda mark­vert verri en þeirra sem eru fæddir hér á landi og finna þeir í tölu­vert meira mæli fyrir alvar­legum kuln­un­ar­ein­kennum í starfi.

Þetta er meðal þeirra nið­ur­staðna sem lesa má út úr umfangs­mik­illi spurn­inga­könnun um stöðu launa­fólks á Íslandi, sem gerð var meðal félaga í aðild­ar­fé­lögum ASÍ og BSRB. Í könn­un­inni, sem ríf­lega 14 þús­und manns svör­uðu, alls 8,5 pró­sent allra aðild­ar­fé­laga ASÍ og BSRB, var spurt um fjár­hags­stöðu fólks, stöðu …