„Íslenska kerfið hefur viss ein­kenni sem ættu að ýta undir ætt­ar­tengsl, og þau koma vissu­lega fyrir hér, en ég myndi ekki halda að þau væru megin áhrifa­þáttur á frama­brautir í stjórn­málum hér á landi.“

Þetta segir Gunnar Helgi Krist­ins­son, pró­fessor í stjórn­mála­fræði, um ætt­ar­tengsl og mægðir íslenskra þing­manna. Gunnar Helgi gaf árið 2021 út bók­ina Elítur og valda­kerfi á Íslandi þar sem hann fjallar meðal ann­ars um ætt­ar­tengsl innan íslenskra elíta. Heim­ildin ræddi við Gunnar Helga og spurði hann hvort ætla mætti að ætt­ar­tengsl þing­manna nú, við annað áhrifa­fólk í stjórn­málum, væru meiri eða minna en verið hefði, hvort Ísland skæri sig frá öðrum löndum í því til­liti, og hvort ástæða væri til að hafa áhyggjur af slíkum tengslum.

„Mín nið­ur­staða var sú að þing­menn með svona ætt­ar­tengsl væru um það bil 32 pró­sent, á ára­bil­inu 1991 til 2020. Ein mögu­leg skýr­ing á þetta háu hlut­falli er sú að ætt­ar­tengslin …