Greining

25 prósent aukin raforkuþörf til 2040

Orku­stofnun gerir ekki ráð fyrir að full orku­skipti náist fyrir árið 2040 líkt og rík­is­stjórnin stefnir að. Í nýrri spá er reiknað með að kom­ist verði áleiðis að settu marki en að sigl­ingar og flug eigi langt í land. En ný tækni gæti snar­breytt stöð­unni.

25 prósent aukin raforkuþörf til 2040
Hlýnun jarðar Rík­is­stjórnin er með háleit mark­mið í lofts­lags­málum og vill að hætt verði að nota jarð­efna­elds­neyti á Íslandi fyrir árið 2040. Ekki er útlit fyrir að það mark­mið náist, en líkt og einn við­mæl­andi Heim­ild­ar­innar segir, þá er gott að setja markið hátt. Mynd: Sunna Ósk Logadóttir
Birtist fyrir 3 árum.

Ný háspá Orku­stofn­unar, sú ítrasta sem stofn­unin gefur út, gerir ráð fyrir að orku­notkun á Íslandi muni aukast um 25 pró­sent til árs­ins 2040. Grunnspá stofn­un­ar­innar gerir ráð fyrir að þörfin auk­ist um 10 pró­sent.

Í ítr­ustu sviðs­mynd svo­kall­aðrar græn­bókar um orku­mál, sem starfs­hópur undir for­ystu Vil­hjálms Egils­sonar vann fyrir umhverfis-, orku- og lofts­lags­ráð­herra í fyrra, var þörfin metin umtals­vert meiri eða að tvö­falda þyrfti orku­fram­leiðslu til árs­ins 2040 og rúm­lega það.

Það eru því him­inn og haf – tugir pró­senta og þús­undir gíga­vatt­stunda – á milli þess sem Vil­hjálms-nefndin taldi þurfa, sviðs­mynd sem byggð var á útreikn­ingum Samorku, sam­taka orku- og veitu­fyr­ir­tækja á Íslandi, og nýrrar spár Orku­stofn­unar – stofn­unar sem hefur það hlut­verk að afla þekk­ingar, gagna og upp­lýs­inga um orku­mál og vinna áætl­anir til fram­tíðar.

Kjósa
5
Hvernig finnst þér þessi grein? Skráðu þig inn til að kjósa.

Athugasemdir (1)

Skráðu þig inn til að skrifa athugasemd eða kjósa.
  • Jóhann Þór Magnússon skrifaði
    27. apríl 2023 16:43
    Það er ákaflega ánægjulegt að skoða nýja orkuspá Orkustofnunar. Spáin er á allt öðru og hærra plani en áður, vinnubrögðin vönduð m.a. virðast umsagnaraðilar hafa haft verulega jákvæð áhrif. Forsendur og raunhæfni orkuskipta hafa augljóslega verið vandlega rýndar og niðurstaðan að stefna ríkisstjórnarinnar í orkuskiptum fyrir 2040 er algjörlega óraunhæf. Allir sem þekkja raforkukerfi Íslands eða sögu þess held ég viti að ríkisstjórnin er útí móa í stefnunni í orkuskiptum Fyrirætlanir ríkisstjórnar í orkuskiptum eru dæmalaust illa ígrundaðar og í hróplegu ósamræmi við vandaðan undirbúning samanburðarlanda okkar. Orkustofnun fær hrós fyrir að standa í lappirnar hér.
    1
Allar athugasemdir eru ábyrgð á þeirra sem þær skrifa. Heimildin áskilur sér rétt til að fjarlægja ærumeiðandi og óviðeigandi athugasemdir. Hægt er að láta vita af athugasemdum með því að smella á Tilkynna.

Mest lesið

Mest lesið

Mest lesið í vikunni

Mest lesið í mánuðinum

Mest lesið í mánuðinum

Nýtt efni

„Margt sem ég hef séð situr í mér“
Viðtal

„Margt sem ég hef séð situr í mér“

Þegar Halla Bergþóra Björns­dóttir varð fyrst kvenna til þess að sinna lög­gæslu á Húsavík fékk hún að heyra að konur ættu ekk­ert erindi í lög­regl­una. Hún lét það ekki á sig fá, varð lög­reglu­stjóri og loks rík­is­lög­reglu­stjóri. Starfið hefur breytt henni, enda hefur hún komið að erf­iðum málum og fengið hót­anir. Á sama tíma hefur hún öðl­ast skarp­ari sýn á lífið, sterk­ari löngun til að gera gagn og fundið fyrir þakk­læti fyrir allt það góða.

Mest lesið undanfarið ár