Tæpur helm­ingur lands­manna er óánægður með störf rík­is­stjórn­ar­innar sam­kvæmt könnun Maskínu og hefur óánægjan aldrei mælst meiri frá því stjórnin tók til starfa. Ánægja með störf stjórn­ar­innar eykst meðal kjós­enda Vinstri grænna milli árs­fjórð­unga en dalar hjá kjós­endum hinna stjórn­ar­flokk­anna. Lítil ánægja mælist á sama tíma með störf stjórn­ar­and­stöð­unnar, aðeins 15 pró­sent aðspurðra svara því til að þeir séu ánægðir með þau.  

Um er að ræða árs­fjórð­ungs­lega mæl­ingu á ánægju með störf stjórnar og stjórn­ar­and­stöðu sem Maskína fram­kvæmir. Nokkrar breyt­ingar eru á ánægju með störf rík­is­stjórn­ar­innar hjá þeim sem styðja rík­is­stjórn­ar­flokk­ana. Þannig segj­ast 61 pró­sent kjós­enda Sjálf­stæð­is­flokks­ins nú ánægðir með störf rík­is­stjórn­ar­innar en voru 67 pró­sent á síð­asta árs­fjórð­ungi. Minna dregur úr ánægju kjós­enda Fram­sókn­ar­flokks en 48 pró­sent þeirra segj­ast nú ánægðir með rík­is­stjórn­ina sam­an­borið við 51 pró­sent á síð­asta árs­fjórð­ungi.

Aðeins 5 prósent mjög ánægð

Mesta athygli vekur hins vegar stuðn­ingur kjós­enda Vinstri grænna þegar spurt er um störf rík­is­stjórn­ar­innar. Á síð­asta árs­fjórð­ungi svöruð 44 pró­sent aðspurðra því til að þau væru ánægð en nú hefur ánægjan auk­ist. Alls sögðu 47 pró­sent stuðn­ings­fólks Vinstri grænna að þau væru ánægð með stjórn­ina á þessum árs­fjórð­ungi. Miðað við umræður síð­ustu vikna, þar sem greint hefur verið frá tölu­verðri undir­öldu í flokknum, meðal ann­ars vegna sam­þykktar útlend­inga­frum­varps dóms­mála­ráð­herra, kunna því þessar nið­ur­stöður að koma á óvart.

Fáir mjög ánægðirEkki voru nema 5 pró­sent aðspurðra til­búnir að segj­ast mjög ánægðir með störf rík­is­stjórn­ar­innar.

Mynd: Heimild / Maskína

Alls hefur dregið úr ánægju þeirra sem styðja stjórn­ar­flokk­ana um fjögur pró­sentu­stig, er nú 55 pró­sent, og hlut­fall þeirra sem eru óánægðir fer upp um tvö pró­sentu­stig, er nú 12 pró­sent.

Litlar breyt­ingar eru á afstöðu kjós­enda stjórn­ar­and­stöðu­flokk­anna og í heild eru 70 pró­sent þeirra óánægð með störf rík­is­stjórnar Katrínar Jak­obs­dóttur á meðan 7 pró­sent eru ánægð. Það er sama nið­ur­staða og á síð­asta árs­fjórð­ungi.

Þegar horft er á ánægju eða óánægju með stjórn­ina almennt sést að rúmur fimmt­ungur svar­enda í könn­un­inni, 22,6 pró­sent, er mjög óánægður. Fjórð­ungur er þá frekar óánægður. Aðeins fimm pró­sent aðspurðra eru mjög ánægðir en 17,5 pró­sent eru fremur ánægðir.

Alls eru því 48 pró­sent aðspurðra óánægðir með störf stjórn­ar­innar og hafa ekki verið fleiri. Á síð­asta árs­fjórð­ungi voru óánægðir 42 pró­sent en hafði hæst farið í 46 pró­sent á öðrum árs­fjórð­undi síð­asta árs. Algjör við­horfs­breyt­ing varð á milli fyrsta árstjórð­ungs árið 2022 og ann­ars árs­fjórð­ungs en á fyrsta árs­fjórð­ungi 2022 mæld­ist óánægja með störf rík­is­stjórn­ar­innar 29 pró­sent.

Við­snún­ingurAlgjör grund­vall­ar­breyt­ing varð á afstöðu fólks gagn­vart störfum rík­is­stjórn­ar­innar milli fyrsta og ann­ars árs­fjórð­ungs á síð­asta ári.

Mynd: Heimild / Maskína

Elstu kjósendurnir ánægðastir

Fleiri karlar eru óánægðir með störf rík­is­stjórn­ar­innar en konur, alls 51,7 pró­sent karla móti 43,2 pró­sentum kvenna. Hins vegar mælist eng­inn munur milli kynja þegar kemur að ánægju með störf stjórn­ar­innar, hlut­fallið er 22,6 pró­sent í báðum til­vikum.

Mest óánægja með störf rík­is­stjórn­ar­innar mælist í ald­urs­hópnum 30 til 39 ára en 53,1 pró­sent þátt­tak­enda á því ald­urs­bili sögð­ust óánægð. Minnst óánægja, 43,9 pró­sent mæld­ist í ald­urs­hópnum 50 til 59 ára.

Ánægja með störf rík­is­stjórn­ar­innar eykst línu­lega eftir því sem svar­endur eru eldri. Af þeim sem sögð­ust ánægðir voru flestir í elsta ald­urs­hópnum, 60 ára og eldri, alls 29,1 pró­sent, en fæstir í yngsta ald­urs­hópnum, 18 til 29 ára, 16,3 pró­sent.

Ánægja eykst með meiri menntun og hærri tekjum

Sé horft til búsetu þá er mest óánægja með störf stjórn­ar­innar hjá íbúum Reykja­víkur en 51,9 pró­sent þeirra sögð­ust óánægð. Minnst var óánægjan á Aust­ur­landi, 37,4 pró­sent. Mest ánægja með störf stjórn­ar­innar mæld­ist á Norð­ur­landi, 26,2 pró­sent, en minnst var ánægjan í Reykja­vík, 20,3 pró­sent.

Þá mælist mest óánægja meðal þeirra sem minnsta menntun hafa en minnst meðal þeirra sem hafa hák­skóla­próf. Sama mynstur má greina meðal þeirra sem eru ánægðir með störf stjórn­ar­innar, þeir sem hafa aðeins grunn­skóla­próf eru síst ánægðir en þeir sem hafa iðn­menntun, fram­halds­skóla­próf eða háskóla­próf reynd­ust því sem næst jafn ánægðir.

Þegar afstaða fólks gagn­vart störfum rík­is­stjórn­ar­innar er borin saman við tekjur kemur í ljós að lang­sam­lega mesta ánægju er að finna í hópi þeirra þar sem heim­il­is­tekjur eru hærri en 1,2 millj­ónir á mán­uði. Alls lýstu 29,9 pró­sent þeirra ánægju með störf stjórn­ar­innar. Minnst ánægja er með rík­is­stjórn­ina hjá þeim sem lægstar tekjur hafa, aðeins 13,9 pró­sent þeirra sem hafa undir 400 þús­und krónur í mán­að­ar­tekjur eru ánægðir.

Mynstrið snýst við þegar horft er til þeirra sem eru óánægðir með störf stjórn­ar­innar. Af þeim sem lægstar hafa tekj­urnar segj­ast 59,6 pró­sent þeirra óánægð á meðan að óánægjan mælist minnst hjá tekju­hæsta hópnum, 40 pró­sent.

Stjórnarandstaðan nær ekki flugi

Í könnun Maskínu er einnig spurt um ánægju með störf stjórn­ar­and­stöð­unnar. Nánast engin breyt­ing er á afstöðu fólks milli árs­fjórð­unga en 15 pró­sent segj­ast ánægð með störf stjórn­ar­and­stöð­unnar nú á móti 37 pró­sentum sem segj­ast óánægð. Karlar eru óánægð­ari en konur, alls 44,8 pró­sent, á móti 27,6 pró­sentum kvenna. Minnst er óánægjan í yngsta ald­urs­hópnum en mest í þeim elsta, þar sem 44,6 pró­sent segj­ast óánægð með störf stjórn­ar­and­stöð­unnar.

Þegar spurt er um störf stjórn­ar­and­stöð­unnar í sam­hengi við búsetu kemur í ljós að ánægjan er mest á höf­uð­borg­ar­svæð­inu, milli 15 og 18 pró­sent en svipuð á lands­byggð­inni, um 12 pró­sent. Munur á óanægju milli lands­hluta rokkar milli 34 og 40 pró­senta.

Mest reyn­ist ánægja með störf stjórn­ar­and­stöð­unnar hjá stuðn­ings­fólki Pírata og Sam­fylk­ingar, um 26,5 pró­sent. Minnst ánægja með störf stjórn­ar­and­stöð­unnar mælist þó ekki meðal stuðn­ings­manna rík­is­stjórn­ar­flokk­anna eins og ætla mætti heldur meðal stuðn­ings­manna Mið­flokks­ins. Aðeins 9,7 pró­sent þeirra telja stjórn­ar­and­stöð­una vera að gera vel.

Mesta óánægju með störf stjórn­ar­and­stöð­unnar má greina hjá stuðn­ings­fólki Sjálf­stæð­is­flokks­ins en 51,4 pró­sent þeirra eru óánægð. Litlu færri stuðn­ings­menn Mið­flokks­ins eru óánægðir með stjórn­ar­and­stöð­una, 50,2 pró­sent. Stuðn­ings­fólk Vinstri grænna er hins vegar alls ekki jafn óánægt með frammi­stöðu stjórn­ar­and­stöð­unnar, 32,9 pró­sent þeirra eru óánægð en nefna má að 17,8 pró­sent stuðn­ings­fólks flokks­ins er ánægt með störf stjórn­ar­and­stöð­unnar.