Birgir Þór­ar­ins­son, þing­maður Sjálf­stæð­is­flokks, og Jakob Frímann Magn­ús­son, þing­maður Flokks fólks­ins, eru í viku­langri heim­sókn í Írak sem er fjár­mögnuð af stjórn­völdum í Írak og kanadísku hjálp­ar­sam­tök­unum One Free World International. 

„Við erum búnir að funda með ráða­mönnum í Bagdad, með for­set­anum og ráð­herrum. Meðal ann­ars höfum við fundað með land­bún­að­ar­ráð­herra, ráð­herra inn­flytj­enda og ráð­herra örygg­is­mála,“ segir Birgir. „Þeir hafa verið að kynna okkur fyrir því sem þeim liggur á hjarta sem er að ná betra sam­bandi við Vest­ur­lönd, og að það er ákveð­inn upp­gangur í Írak. Þeir hafa hagn­ast tölu­vert á hækkun olíu­verðs, og vilja koma því á fram­færi að Bagdad sé örugg borg sem öruggt er að heim­sækja,“ segir hann. 

„Til­gang­ur­inn hjá íröskum stjórn­völdum með þess­ari ferð er að auka tengslin við Evrópu. Ég sit í Evr­ópu­ráð­inu. Þeir vilja sýna fram á að þeir séu búnir að bæta öryggið hér heil­mikið, sem er alveg rétt. Þeir eru að fal­ast eftir fjár­fest­ingum og þeir vilja að fólk heim­sæki Írak,“ segir Birgir. 

Rússar hafa boðað komu sína

Birgir seg­ist þekkja til hjálp­ar­sam­tak­anna One Free World International og hafa unnið með þeim að ýmsum verk­efnum, til að mynda í Afganistan, Nagornó-Karabak og Úkraínu. „Mér var boðið í þessa ferð. Síðan komu írösk stjórn­völd inn í þetta líka. Þá mátti ég bjóða öðrum þing­manni með mér og ég bauð Jakobi Frímanni Magn­ús­syni sem er með mér í utan­rík­is­mála­nefnd,“ segir hann en Jakob Frímann er þing­maður Flokks fólks­ins. 

Ferðin er þó ekki á vegum Alþingis á nokkurn hátt. Birgir er sem þing­maður Sjálf­stæð­is­flokks­ins for­maður Íslands­deildar Öryggis- og sam­vinnu­stofn­unar Evrópu (ÖSE). Á morgun hefst þing ÖSE sem haldið er í Aust­ur­ríki og er umfjöll­un­ar­efni þings­ins stríð Rúss­lands gegn Úkraínu. Bæði löndin eiga aðild að ÖSE en þegar ráð­stefna stofn­un­ar­innar var haldin í Póllandi í lok síð­asta árs bönn­uðu pólsk yfir­völd rúss­nesku sendi­nefnd­inni að taka þátt, og hefur stríðið sett störf ÖSE í upp­nám á ýmsan hátt. Rússar hafa boðað komu sína á þingið sem hefst í fyrra­málið.

Marg­ar­eta Cederfelt, for­seti ÖSE-þings­ins, hefur blásið á gagn­rýni þess efnis að Rússum sé ekki mein­aður aðgangur að þing­inu nú. „Fyrir þau for­rétt­indi að fá að breiða út lygar í nokkrar mín­útur þarf sendi­nefnd Rússa að borga með því að sitja undir fjölda klukku­stunda þar sem aðgerðir þeirra eru for­dæmdar,“ segir hún í aðsendri grein sem birt­ist á Euronews í dag.

Tveir Íslendingar í stað þriggja

Undir venju­legum kring­um­stæðum myndu full­trúar Íslands­deild­ar­innar vera þrír - for­maður, vara­for­maður og einn full­trúi til við­bótar. 

Birgir bendir á að hann sé aðeins nýlega tek­inn við sem for­maður Íslands­deild­ar­innar, fyrr á þessu ári, en ferðin til Írak hafi verið skipu­lögð löngu áður. „Ég var búinn að þiggja þetta boð og fer því ekki á þennan fund,” segir hann. Birgir telur ekki óheppi­legt að hann mæti ekki á fund­inn, jafn­vel þó þetta sé fyrsti fundur þings­ins síðan hann tók við. „Nei. Vara­for­mað­ur­inn er á þessum fundi. Það eru öfl­ugir full­trúar á þing­inu,“ segir hann. 

Vara­for­maður Íslands­deildar ÖSE er Helga Vala Helga­dóttir, þing­maður Sam­fylk­ing­ar­innar. Hún er þá starf­andi for­maður á fund­inum. Auk hennar mætir Lilja Rannveig Sig­ur­geirs­dóttir, þing­maður Fram­sókn­ar­flokks. Vara­maður Birgis er Bryndís Har­alds­dóttir, þing­maður Sjálf­stæð­is­flokks. Hún kemst hins vegar ekki heldur. 

Bryndís Har­alds­dóttir, þing­maður Sjálf­stæð­is­flokks­ins

Mynd: xd.is

Spurð hvort ekki sé baga­legt að eng­inn full­trúi Sjálf­stæð­is­flokks­ins sé á þing­inu, en almennt þykir eft­ir­sókn­ar­vert að fá að sitja í alþjóða­nefndum Alþingis, segir hún að þetta sé vissu­lega áhuga­vert þing.

„Jú, ég hefði gjarnan viljað fara. Því miður vill þannig til að Birgir komst ekki og ég gat ekki breytt mínum plönum þannig að ég gæti farið. Ekki að það skipti meg­in­máli frá hvaða flokkum full­trú­arnir eru. Við erum mjög sam­stíga í nefnd­inni um þau mál sem verið er að fjalla um á ÖSE-þing­inu. Nú er ár frá inn­rásinni í Úkraínu. Það er mikil umræða um hvað á að gera við þessa Rússa sem því miður var hleypt inn í Aust­ur­ríki og hafa boðað komu sína á fund­inn,“ segir Bryndís. 

Sviðin slóð ISIS

Birgir sagði þá Jakob Frímann vera í Kúr­distan þegar blaða­maður Heim­ild­ar­innar náði tali af honum. Raunar væri alls um að ræða níu manna sendi­nefnd sem sam­an­stæði einnig meðal ann­ars af kanadískum þing­mönnum og örygg­is­vörðum frá Bret­landi. 

„Þessi ferð er mjög vel skipu­lögð hjá Írökunum. Við erum núna í bæ sem varð mjög illa fyrir barð­inu á liðs­mönnum ISIS þegar þeir fóru hér um og rændu konum og börnum, og drápu eig­in­menn­ina. Við vorum áðan að heim­sækja flótta­manna­búðir sem í eru um 21 þús­und manns, þar af 12 þús­und börn. Þetta voru frekar föl­legar búðir að okkar mati en þó með heil­brigð­is­þjón­ustu og menntun fyrir börnin. Hug­myndin er að reyna að hjálpa hér til, börn­unum vantar tölvur og skóla­bækur á ensku. Það vantar líka lækn­inga­vörur,“ segir Birgir. 

Spurður hvort hann komi til með að greina frá þessi ferð á ein­hvern hátt eftir heim­kom­una seg­ist hann örugg­lega munu gera það. „Ég mun minn­ast á þessa ferð hjá Evr­ópu­ráð­inu,” segir Birgir sem er þar einn þriggja full­trúa Íslands. „Ég sit nú í flótta­manna­nefnd Evr­ópu­ráðs­ins og mun fara yfir stöð­una hér í því sem ég hef séð hvað það varðar.“ 

Og hann telur að ferðin sé mjög gagn­leg. „Já, hún er það nátt­úru­lega. Sér­stak­lega fyrir mig þar sem ég sit í þess­ari flótta­manna­nefnd,” segir hann.