„Við finnum alveg að vörur eru alltaf að síhækka. Ég fer dag­lega að sækja vörur í Bónus og það getur munað tíkalli á vör­unni innan sömu vik­unnar. Það er sama þró­unin viku eftir viku,“ segir Gunnar Halldór Jónasson, kaup­maður í Kjötborg á Ásvalla­götu, aðspurður hvort hann finni mikið fyrir verð­bólg­unni. Honum er hins vegar alveg hætt að bregða við verð­hækk­anir enda búinn að vera kaup­maður mest allt sitt líf og því sjó­aður í verð­bólgu og verð­hækk­unum sem fylgja með.

Þá seg­ist hann nokkuð viss um að hækk­anir komi í tík­öllum eða „tíkall, tíkall, tíkall,“ eins og hann orðar það, svo fólk finni minna fyrir þeim. Þar að auki telur hann það spila inn í að Íslend­ingar séu miklir „kóarar“, en með því á hann við að þeir grípi ekki til varna. „Við bölvum bara, segjum hel­vítis stjórn­mála­menn, en svo gerum við ekk­ert í því. Nema Sólveig Anna. Hún er ekki …