Þor­steinn Víglunds­son, tals­maður þýska sem­ents­fyr­ir­tæk­is­ins Heidel­berg og for­stjóri fyr­ir­tæk­is­ins Horn­steins sem Heidel­berg á meiri­hluta í, segir að frétta­flutn­ingur Heim­ild­ar­innar um fyr­ir­hug­aða „möl­un­ar­verk­smiðju í bænum séu „frá­leitar“. Þetta segir hann í yfir­lýs­ingu til Heim­ild­ar­innar.

Þýska fyr­ir­tækið sem Þor­steinn vinnur fyrir vill byggja verk­smiðju í Þor­láks­höfn sem á að mala móberg fyrir sem­ents­gerð og reynir nú að koma þess­ari fram­kvæmd á kopp­inn. Elliði Vign­is­son, bæj­ar­stjóri í Ölfusi, segir við Heim­ild­ina að fram­kvæmdin muni alltaf fara í íbúa­kosn­ingu þar sem kjós­endur í Ölfusi ákveða hvort af fram­kvæmd­inni verður. 

Eins og Heim­ildin fjall­aði um í dag og í vik­unni bauð Heidel­berg félaga­sam­tökum í Þor­láks­höfn fjár­styrki í des­em­ber. Lúðra­sveitin í bænum hafn­aði styrknum en björg­un­ar­sveitin þáði hann. Það sem virð­ist sér­stak­lega fara fyrir brjóstið á Þor­steini eru þau orð stjórn­ar­for­manns lúðra­sveit­ar­innar, Ágústu Ragn­ars­dóttur, að styrkt­ar­boðið hafi virkað eins og ein­hvers konar til­raun til að bera fé á fólk. „Þetta var mjög óþægi­legt og maður vill hrein­lega ekki trúa því að þetta séu ein­hverjar mútur. Mér fannst þetta mjög, mjög skrítið.  Við höfum aldrei lent í því áður að vera boð­inn pen­ingur fyrir ekki neitt,“ sagði Ágústa við Heim­ild­ina en lúðra­sveitin hafn­aði styrknum. 

Í yfir­lýs­ingu sinni upp­lýsir Þor­steinn að Heidel­berg hafi veitt styrki upp á sam­tals 3,5 millj­ónir króna til félaga­sam­taka í Þor­láks­höfn.  Ekki liggur fyrir hverjir þáðu styrk­ina, fyrir utan björg­un­ar­sveit­ina. 

Þor­steinn segir að það sé frá­leitt að mark­mið Heidel­berg með styrkj­unum sé að reyna að hafa óeðli­leg áhrif á skoð­anir fólks á fyr­ir­tæk­inu.  „Fyr­ir­tækið hafnar alfarið grófum aðdrótt­unum um nokk­urs konar mútu­starf­semi eða óeðli­leg sam­skipti í því skyni að kaupa sér vel­vild eða fyr­ir­greiðslu. Enginn fótur er fyrir slíkum vanga­veltum enda frá­leitt að verið sé að „bera fé“ á lúðra­sveit til að hafa áhrif á skoð­anir fólks, líkt og mið­ill­inn heldur fram í umfjöllun sinni. Það er alþekkt að fyr­ir­tæki styðji við ýmis verk­efni í nágrenni sínu og fá dæmi um að því sé haldið fram að slíkar styrk­veit­ingar miði að því að hafa óeðli­leg áhrif á skoð­anir fólks á ein­stökum verk­efnum.“

Yfir­lýs­ing Þor­steins til Heim­ild­ar­innar fer hér á eftir í heild sinni: 

„Frá­leitur frétta­flutn­ingur af starf­semi í Þor­láks­höfn

 Vegna fréttar Heim­ild­ar­innar þann 16. og 17. jan­úar sl. sem snertir fyr­ir­hug­aða starf­semi Heidel­berg Mater­i­als í Þor­láks­höfn er rétt að vekja athygli á nokkrum atriðum. 

 Heidel­berg Mater­i­als hefur áform um að hefja starf­semi í Þor­láks­höfn á næstu árum og hefur átt í góðu sam­starfi og sam­tali við fjöl­marga aðila við und­ir­bún­ing verk­efn­is­ins, þ.á m. Íbúa sveit­ar­fé­lags­ins. Bæði Heidel­berg Mater­i­als og Horn­steinn starfa sam­kvæmt skýrum siða­reglum og reglum um hátt­semi í starfs­um­hverfi sínu. Frá upp­hafi hefur það verið skýrt að mik­ill vilji er til að vinna í sátt við sam­fé­lagið í Þor­láks­höfn og sýna sam­fé­lags­lega ábyrgð. Heidel­berg Mater­i­als hafði því í lok árs 2022 frum­kvæði að því að styrkja nokkur sam­fé­lags­verk­efni í bæj­ar­fé­lag­inu, án nokk­urra kvaða eða aug­lýs­inga, og voru nokkur sam­fé­lags­tengd verk­efni styrkt um sam­tals 3,5 millj­ónir króna. 

Fyr­ir­tækið hafnar alfarið grófum aðdrótt­unum um nokk­urs konar mútu­starf­semi eða óeðli­leg sam­skipti í því skyni að kaupa sér vel­vild eða fyr­ir­greiðslu. Enginn fótur er fyrir slíkum vanga­veltum enda frá­leitt að verið sé að „bera fé“ á lúðra­sveit til að hafa áhrif á skoð­anir fólks, líkt og mið­ill­inn heldur fram í umfjöllun sinni. Það er alþekkt að fyr­ir­tæki styðji við ýmis verk­efni í nágrenni sínu og fá dæmi um að því sé haldið fram að slíkar styrk­veit­ingar miði að því að hafa óeðli­leg áhrif á skoð­anir fólks á ein­stökum verk­efnum.

Heidel­berg Mater­i­als hefur gert sitt besta til að stuðla að skýrri upp­lýs­inga­gjöf, m.a. með íbúa­fundi þar sem athuga­semdir og spurn­ingar íbúa komu fram sem og með dreif­ingu bæk­lings og opnun vef­svæðis um verk­efnið. Auk þess hafa skýr og eðli­leg skoð­ana­skipti átt sér stað víða, m.a. í fjöl­miðlum. Þetta er einmitt gert með það að leið­ar­ljósi að for­sendur verk­efn­is­ins séu öllum ljós svo fólk geti sjálft myndað sér upp­lýsta skoðun. 

Um full­yrð­ingar í frétt­inni sem snúa að fyr­ir­tækj­unum Jarðefni og Jarð­efna­iðn­aði getur und­ir­rit­aður lítið sagt. Jarð­efna­iðn­aður ehf. á óbeinan hlut í Horn­steini sem er að meiri­hluta í eigu Heidel­berg Mater­i­als.

Starf­semi Jarð­efna­iðn­aðar ehf., jarða­kaup eða önnur við­skipti sem lýst er í umfjöll­un­inni, tengj­ast hvorki starf­semi Horn­steins né starf­semi Heidel­berg á Íslandi með neinum hætti. Inn­römmun blaða­manns á meintum tengslum fyr­ir­tækj­anna tveggja geta hins vegar í besta falli flokk­ast sem kæru­leys­is­leg vinnu­brögð og eiga sér enga stoð í raun­veru­leik­anum. Augljóst er að hverju verið er að ýja. Hefði blaða­maður haft fyrir því að bera þessar aðdrótt­anir undir Heidel­berg hefði fyr­ir­tækið getað upp­lýst að engin tengsl af nokkru tagi eru á milli fjár­fest­inga Jarð­efna­iðn­aðar í Ölfusi og fyr­ir­hug­aðrar upp­bygg­ingar á vegum Heidel­berg í Þor­láks­höfn.

Heidel­berg hefur átt í góðu sam­tali við sam­fé­lagið og bæj­ar­yf­ir­völd og vinnur nú að næstu skrefum, m.a. með hlið­sjón af ábend­ingum og áhyggjum sem fram hafa komið meðal íbúa. Móbergs­vinnsla í Þor­láks­höfn er risa­stórt verk­efni sem getur haft mikil jákvæð efna­hags­leg áhrif fyrir sveit­ar­fé­lagið og jákvæð lofts­lags­á­hrif, en krefst um leið tals­verðrar yfir­bygg­ingar og umsvifa. Þar skiptir öllu máli að umfjöllun sé skýr og mál­efna­leg. Það er eðli­legt og sjálf­sagt að fólk hafi mis­mun­andi skoð­anir á verk­efni sem þessu. Aðdrótt­anir og hálf­kveðnar vísur sem sýna málið í ann­ar­legu ljósi eru hins vegar engum til sóma.

                                                            Þor­steinn Víglunds­son,

for­stjóri Horn­steins og tals­maður Heidel­berg Mater­i­als á Íslandi.“