Stærsti hagsmunaaðili laxeldis á Íslandi ákveður að stýra ekki fjölskyldufyrirtækinu

Stærsti eig­andi og hags­mun­að­ili í íslensku lax­eldi, Norð­mað­ur­inn Gustav Magnar Witzøe, mun í fram­tíð­inni ekki koma að því að stýra fjöl­skyldu­fyr­ir­tæk­inu Salmar AS. Þetta fyr­ir­tæki er stærsti hlut­hafi lax­eld­is­fyr­ir­tæk­is­ins Arnarlax á Bíldudal og er Gustav Magnar stærsti eig­andi Salmar AS.

Norskir fjöl­miðlar greina frá þessum tíð­indum í dag og þykja þau stór en Gustav Magnar er rík­asti maður Noregs vegna eign­ar­halds síns á Salmar. 

Stærst á Íslandi, næststærst í heimi

Salmar er næst stærsta lax­eld­is­fyr­ir­tæki í heimi á eftir norska félag­inu Mowi sem nýlega eign­að­ist Arctic Fish á Ísafirði. Gustav Magnar Witzøe á nærri helm­ings­hlut í fyr­ir­tæk­inu í gegnum fjár­fest­ing­ar­fé­lagið Kverva AS. Faðir hans færði hlut­inn í Salmar til hans árið 2006, þegar hann var ein­ungis 12 ára gam­all. 

Fjöl­miðlar í Noregi hafa lengi haft mik­inn áhuga á Gustav Magnar Witzøe og lífi hans enda hefur hann verið á list­anum yfir auð­ug­ustu Norð­menn­ina um ára­bil. Einkalíf hans hefur einnig vakið athygli en hann hefur kosið að starfa sem módel frekar en að vinna í lax­eld­is­fyr­ir­tæki fjöl­skyld­unnar þó svo að hann hafi sann­ar­lega reynt fyrir sér þar. 

Í fyrra fram­leiddi Arnarlax, sem kall­ast Icelandic Salmon 11.563 tonn af eld­is­laxi í sjó­kvíum. Þetta var tæp­lega 26 pró­sent af heild­ar­fram­leiðsl­unni í sjó­kvía­eldi á Íslandi en hún var 44.504 tonn hér á landi í fyrra. 

Tvö stærsu lax­eld­is­fyr­ir­tæki heims stór á ÍslandiTvö stærstu lax­eld­is­fyr­ir­tæki í heimi eru tveir stærstu hags­mun­að­il­arnir í lax­eldi á íslandi. Þetta eru Salmar AS, stærsti hlut­hafi Arnarlax á Bíldudal, og Mowi, eig­andi Arctic Fish á Ísafirði.

Sonurinn ætlar bara að vera eigandi en ekki stjórnandi

Það er faðir hans og nafni, sem jafn­framt er stofn­andi Salmar, sem segir frá þess­ari ákvörðun í dag. Norska við­skipta­blaðið Dagens Nær­ingsliv segir frá mál­inu undir fyr­ir­sögn­inni: „Gustav Witzøe skipu­leggur fram­tíð Salmar án son­ar­ins í stjórn­enda­hlut­verki hjá lax­eld­is­fyr­ir­tæk­inu,“ og vísar til við­tals sem birt­ist við hann í sjáv­ar­út­vegs­blað­inu Intra­fish í dag. „Ég á son sem hefur verið alveg skýr með það að til fram­tíðar sér hann sjálfan sig í virku eig­enda­hlut­verki, frekar en að vera þátt­tak­andi í fram­leiðsl­unni, líkt og ég hef verið. Svo erum við með frá­bært starfs­fólk. Það mun þá bara fá sín tæki­færi,“ segir Gustav Witzøe við Intra­fish sem hreykir sér af því að hafa náð við­tali við hann þar sem veiti þau sjaldan. Hann var lengi for­stjóri Salmar en er nú stjórn­ar­for­maður félags­ins. 

Í við­tali við Intra­fish stað­festir Gustav Magnar að hann muni ekki starfa sem stjórn­andi hjá Salmar í fram­tíð­inni. „Dagleg stjórnun á Salmar er í góðum höndum hjá því dug­mikla fólki sem stýrir félag­inu. Ég hef notið þess mjög að fá að reyna mig í verk­efnum í allri virð­is­keðj­unni, meðal ann­ars bæði við að slátra fiski og reykja hann, en fram­tíð­ar­hlut­verk mitt verður að vera eig­andi í gegnum fjöl­skyldu­fyr­ir­tækið Kverva AS.“

Gustav Magnar Witzøe býr í Þránd­heimi í dag og starfar sem módel sam­hliða því að halda utan um eignir sem gera hann að rík­asta manni Noregs. 

Samkvæmt þessu mun Gustav Magnar því ekki verða einn af stjórn­endum eig­anda stærsta lax­eld­is­fyr­ir­tækis á Íslandi í náinni fram­tíð. Salmar er hins vegar komið til að vera á Íslandi. 

Stofn­and­inn og faðir stærsta eig­and­ansGustav Witzøe er stofn­andi Salmar AS en hann arf­leiddi son af hluta­bréfum sínum í félag­inu árið 2006.

Faðirinn segir hagstæðara að fara til Íslands

Faðir Gustav Magnar Witzøe segir í við­tal­inu við Intra­fish að það sé mögu­lega hag­stæð­ara fyrir lax­eld­is­fyr­ir­tæki eins og Salmar As að stunda lax­eldi í öðrum löndum en í Noregi. Ástæðan er sá hái auð­linda­skattur sem verið hefur inn­leiddur á sjó­kvía­eldi í Noregi. Þessi skattur hefur verið harð­lega gagn­rýndur af norskum lax­eld­is­fyr­ir­tækjum síð­ast­liðna mán­uði. 

Í við­tal­inu segir Gustav Witzøe um þetta að aðstæður fyrir lax­eldi í sjó­kvíum í Noregi séu ein­fald­lega ekki hag­stæðir grein­inni: „Með auð­lind­skatt­inum og þeim aðstæðum sem eru hér núna, þá er hag­stæð­ara að fara til ann­arra landa [...] Skotland er land sem liggur nálægt. Við erum með starf­semi í Skotlandi og eigum 50 pró­sent í næst stærsta lax­eld­is­fyr­ir­tæk­inu þar og einnig á Íslandi. En við vitum auð­vitað ekki hvernig þetta endar.“