Ég fann þessa bók í Góða hirð­inum og amma mín keypti hana handa mér. Ég les þetta þegar ég þarfn­ast ein­hverrar hlýju. Ég er ekki búinn að lesa alla bók­ina, en þetta er svo æðis­legt, sér­stak­lega mynd­irnar, allar merktar og lit­aðar. Stundum legg ég hönd­ina fyrir text­ann, og reyni að giska á hvað allt heitir. Ég hef lokið grunn­á­föngum og er nú í fram­halds­á­fanga í eðl­is­fræði og líf­eðl­is­fræði.

Afi minn dó úr krabba­meini og amma mín dó úr heila­blóð­falli. Mig langar að hjálpa fólki eins og þeim. Mig langar að finna leiðir til að lækna fólk. Ég vil þróa aðferðir til að gera lækna­starfið betra. Ég er svo mik­ill hönn­uður, svo ég reyni að hugsa upp leiðir til að auð­velda starf lækna og gera það þægi­legra fyrir sjúk­linga. Til að mynda er fullt af prófum sem þeir fara í gegnum sem eru mjög óþægi­leg og mig langar að betrumbæta þau …