Fyrri aukaspurning:

Ungi pilturinn á myndinni hér að ofan er löngu dáinn — reyndar í hárri elli. Hvað hét hann?

***

Aðalspurningar:

1.  Norður af hvaða tveimur löndum er Barentshaf?

2.  Árið 2016 munaði ekki nema því sem munaði að Halla Tómasdóttir fengi eftirsótt starf. Hvaða starf var það?

3.  Hvar eru Langerhans-eyjarnar? Eru þær milli Borneo og Súmötru — í brisinu — á yfirborði tunglsins Ganýmedesar — í Karíbahafi — í óshólmum Rínar í Hollandi — eða við Suðurskautslandið?

4. Í febrúar 2000 hófst stutt eldgos í fjalli einu og er helst eftirminnilegt vegna gríðarlegs umferðaröngþveitis sem varð þegar fólk á höfuðborgarsvæðinu brunaði út í snjókomu og fjúk og fjöldi bíla festsist í Þrengslunum. Hvaða fjall vakti slíka forvitni?

5. Hvað nefnist sjónvarpsþáttur þeirra Bjargar Magnúsdóttur og Braga Valdimars Skúlasonar um íslenska tungu?

6. Um hvaða höfuðborg í Evrópu fellur áin Liffey?

7.  Ein er sú tegund lítilla fiska sem fjölga sér með óvenjulegum hætti. Frjóvgunin fer þannig fram að hrygnan verpir eggjum í sekk á kvið hængsins. Hann frjóvgar þau síðan í sekknum og gætir eggjana þar þangað til þau klekjast. Litlar lirfur synda svo úr sekknum og takast á við lífið án verndar foreldranna. Hvers konar fiskar eru þetta?

8.  Íslenska handboltalandsliðið í karlaflokki hefur tvívegis unnið til verðlauna á stórmótum. Einu sinni vann liðið silfurverðlaun eftir að hafa tapað úrslitaleik. Á hvaða móti var þetta? Svarið þarf að vera nokkuð nákvæmt.

9.  En hverjir voru það sem sigruðu Íslendinga í þessum úrslitaleik og unnu því gullið á mótinu?

10.  Tveim árum eftir að hafa unnið þessi silfurverðlaun, þá vann Ísland bronsverðlaun eftir að hafa unnið Pólverja í leik um 3ja sæti. Á hvaða móti var þetta? — og hér þarf svarið ekki að vera eins nákvæmt og í 8. spurningu.

***

Seinni aukaspurning:

Í hvaða stórborg er myndin hér að neðan tekin?

***

Svör við aðalspurningum:

1.  Noregi og Rússlandi.

2.  Starf forseta Íslands.

3.  Í brisinu.

4.  Hekla.

5.  Kappsmál.

6.  Dublin.

7.  Sæhestar.

8.  Ólympíuleikarnir í Bejing 2008.

9.  Frakkar.

10.  Evrópumóti — það dugar.

***

Svör við aukaspurningum:

Pilturinn á efri myndinni hét Winston Churchill og var um tíma forsætisráðherra Breta.

Neðri myndin er tekin í Barcelona.