977. spurningaþraut: Hvað kemur frá Olza?

Fyrri auka­spurn­ing:

Ef mér reikn­ast rétt, þá mun jóla­sveinn­inn á mynd­inni hér að ofan halda aftur til fjalla í dag. Hvað heitir hann?

***

Aðal­spurn­ingar:

1.  Einn er sá ávöxtur sem við erum flest viss um að flokk­ist sem græn­meti en hann er í raun­inni ber, sem geymir bæði fræ og vökva. Berið getur verið mis­stórt — frá því að rúm­ast í teskeið og upp í að vera á við tenn­is­bolta að stærð. Hvað kall­ast þetta gríð­ar­lega útbreidda rauða ber?

2.  Í hvaða landi heitir höf­uð­borgin Bakú?

3.  Bakú stendur við gríð­ar­mikið salt stöðu­vatn sem heitir ... hvað?

4.  Hvenær birt­ist Andrés Önd fyrst? Var það 1874 — 1904 — 1934 — eða 1964?.  

5.  Bærinn Cieszyn er í Póllandi, rétt við landa­mærin að Tékk­landi. Þar er verk­smiðja sem fyr­ir­tækið Olza S.A heldur úti og fram­leiðir vöru sem lengi hefur verið flutt í miklum mæli til Íslands. Hvaða vara er það?

6.  Carrie Underwood er rétt tæp­lega fer­tug amer­ísk tón­list­ar­kona og gríð­ar­lega vin­sæl í einum til­teknum afkima nútíma tón­listar. Hvers konar músík flytur Carrie Underwood?

7.  Á árunum 1877-1893 gegndu þeir Ruther­ford Hayes, James Garfield, Chester Arthur, Grover Cleveland og Benjamin Harrison til­teknu starfi hver á fætur öðrum. Hvaða starf var það?

8.  Hvað kall­ast avocado sam­kvæmt kór­réttri íslensku?

9.  „Hoc est corpus meum“ eru orð sem höfð eru yfir við alt­ar­is­göngu í kaþ­ólskri trú og þýða „Þetta er lík­ami minn.“ Þetta segir prest­ur­inn þegar hann afhendir fólki litlu brauð­flís­ina sem á að tákna lík­ama Krists. Talið er að töfra­menn á mið­öldum hafi haft yfir ákveðna afbökun á þessum orðum þegar þeir sýndu ein­hverja sniðuga brellu sem fól í sér svip­aða umbreyt­ingu og brauð—>lík­ami. Hvernig hljóm­aði afbökun töfra­meist­ar­anna? — ef kenn­ingin er rétt?

10.  En hvað nefn­ist ann­ars brauð­flísin sem notuð er við alt­ar­is­göngur?

***

Seinni auka­spurn­ing:

Karl þessi stýrði eitt sinn ríki einu. Hvað hét karl?

***

Svör við aðal­spurn­ingum:

1.  Tómatur.

2.  Aserbædjan.

3.  Kaspíhaf.

4.  1934.

5.  Prins Póló.

6.  Country-tón­list.

7.  Þeir voru Banda­ríkja­for­setar.

8.  Lárpera.

9.  Hocus Pocus.

10.  Obláta.

***

Svör við auka­spurn­ingum:

Á efri mynd er Þvöru­s­leikir.

Á neðri mynd­inni er fas­ista­for­ingi Spánar, Franco.