Þessi þemaþraut snýst um jólabækurnar í ár.  Fyrri aukaspurning:

Höfundurinn hér að ofan sendir frá sér vísindaskáldsögu fyrir þessi jól. Hvað heitir hann?

***

Aðalspurningar:

1.  Ein af mest seldu bókunum heitir Játningin. Hver skrifar hana?

2.  Játningar heitir önnur bók sem kemur út um jólin, frönsk bók sem Pétur Gunnarsson þýddi. Hver skrifaði þá bók fyrir margt löngu?

3.  Mest selda barnabókin fram að þessu virðist vera Bannað að ljúga eftir ... hvern?

4.  Á sporbaug heitir skemmtilegt fræðirit sem vakið hefur nokkra athygli en þar skrifa þær Anna Sigríður Þráinsdóttir og Elín Elísabet Einarsdóttir um nýyrðasmíð tiltekins höfundar á fyrri tíð. Hver var nýyrðasmiðurinn?

5.  Vinsæl skáldsaga eftir Kristínu Eiríksdóttur heitir mjög stuttu og snaggaralegu nafni. Hvaða nafn er það?

6.  Kyrrþey heitir ein af metsölubókum ársins. Hún er eftir gamalreyndan höfund, sem sé ... hvern?

7.  Ein af bókunum í flokki fræðirita sem best hefur selst er eftir Þorvald Friðriksson og fjallar um áhrif hverra á íslenska sögu og menningu?

8.  Gættu þinna handa er eftir mjög vinsælan höfund, sem sé ... ?

9.  Karlmaður nokkur er ekki kunnastur fyrir ritstörf þótt hann hafi vissulega skrifað margt um ævina. En nú hefur hann út út Bréfin hennar mömmu þar sem hann birtir eigin æviminningar, auk bréfa móður sinnar. Hver er höfundurinn?

10.  Eden heitir ein af skáldsögum ársins. Höfundurinn er vinsæll og hefur m.a.s. fengið bókmenntaverðlaun Norðurlandaráðs, og heitir ... hvað?

***

Seinni aukaspurning:

Hér má sjá hluta af kápu frægrar vísindaskáldsögu sem er að koma út á íslensku í fyrsta sinn. Nafn höfundarins sést þarna en hvað heitir bókin. Enskt nafn hennar dugar.

***

Svör við aðalspurningum:

1.  Ólafur Jóhann.

2.  Rousseau.

3.  Gunnar Helgason.

4.  Jónas Hallgrímsson.

5.  Tól.

6.  Arnaldur Indriðason.

7.  Kelta.

8.  Yrsa Sigurðardóttir.

9.  Ólafur Ragnar Grímsson.

10.  Auður Ava.

***

Svör við aukaspurningum:

Á efri myndinni er Steinar Bragi, höfundur bókarinnar Dáin heimsveldi.

Á neðri myndinni er hluti kápu skáldsögunnar Dune eftir Frank Herbert sem heitir Dúna á íslensku.