967. spurningaþraut: Sturla var leiddur berfættur millum kirkna, og ... hvað?

Fyrri auka­spurn­ing:

Hvað er verið að vinna á mynd­inni hér að neðan — mynd sem ég hlýt að nefna að ég tók einmitt sjálfur!

***

Aðal­spurn­ingar:

1.  Hvaða hávaða­sami jóla­sveinn kemur í dag?

2.  Bygging á nýju borg­ar­hverfi í Reykja­vík hófst 1966 og ef það væri nú sjálf­stætt bæj­ar­fé­lag væri það fjórði fjöl­menn­asti þétt­býl­is­staður lands­ins. Hvaða hverfi er þetta?

3.  Sókrates var Forn-Grikki og frægur ... hvað?

4.  En hver var (hér um bil) sam­tíma­maður hans Aristófa­nes? Svarið þarf að vera þokka­lega nákvæmt.

5.  Hver varð fyrsti ráð­herra Íslands?

6.  En hver varð fyrstur til að verða ráð­herra öðru sinni — eftir að hafa látið af emb­ætti um skeið?

7.  Hvaða orð er yfir­leitt notað yfir jap­anskar teikni­mynda­sögur?

8.  Hvar í Danmörku er haldin fræg rokk­há­tíð snemma sum­ars ár hvert?

9.  Sturla Sig­hvats­son hafði gert heil­mikið af sér í byrjun Stul­unga­aldar (13. aldar) og í yfir­bót­ar­skyni var hann leiddur ber­fættur á millum allra kirkna í bæ einum eða borg og hýddur úti fyrir þeim helstu. Í hvaða bæ eða borg gerð­ist þetta?

10.  En hvernig brugð­ust bæjar- eða borg­ar­búar við þegar þeir sáu Sturlu hýddan og hvers vegna?  

***

Seinni auka­spurn­ing:

Nú er nýbúið að sýna fimmtu sjón­varps­s­er­í­una sem konan á mynd­inni hér að ofan leikur aðal­hlut­verk í. Hvað heitir ser­ían? — Ef þið vitið hvað leik­konan heitir fullu nafni (skírnar- og eft­ir­nafn), þá fáiði auka­stig!

***

Svör við aðal­spurn­ingum:

1.  Hurða­skellir.

2.  Breið­holt.

3.  Heim­spek­ingur.

4.  Gam­an­leikja­höf­undur. Leik­rita­höf­undur dugar ekki, og auð­vitað alls ekki harm­leikja­skáld.

5.  Hannes Hafstein.

6.  Hannes Hafstein. Ef ein­hver nörd vill nefna Klemens Jónsson þá gegndi hann ráð­herra­störfum nokkrum sinnum í for­föllum ráð­herra 1907-1914 en aðeins sem umboðs­maður ráð­herra, svo hann telst ekki með.

7.  Manga. (Svarið gæti verið flókn­ara, en manga dugar alveg.)

8.  Í Roskilde, Hró­arskeldu.

9.  Þetta var vita­skuld í sjálfri Róm.

10.  Í Sturl­ungu segir: „Bar hann [hýð­ing­arnar] drengiliga, sem líkligt var, en flest fólk stóð úti og undrað­ist, barði á brjóstið og harm­aði er svo fríður maður var svo hörmuliga leik­inn og máttu eigi vatni halda, bæði konur og karlar.“ Þið metið sjálf hvort svarið er nógu nákvæmt en nauð­syn­legt er að nefna að Róm­verjar hafi harmað hlut­skipti Sturlu af því hann var svo fríður, eða mynd­ar­legur eða eitt­hvað þvíum­líkt.  

***

Svör við auka­spurn­ingum:

Á efri mynd­inni er verið að vinna silki — í Ferg­ana­dalnum í Úsbekistan, en ekki er nauð­syn­legt að vita það.

Á neðri mynd­inni er aðal­leik­konan í The Handmaid's Tale. Hún heitir Elisa­beth Moss.