Fyrri aukaspurning:

Hver er þar við hljóðnema?

***

Aðalspurningar:

1.  Bestu og vönduðustu handrit Íslendingasagna og annarra fornra rita eru yfirleitt rituð á ... hvernig skinn?

2.  Púma heitir kattardýr eitt sem lifir í tveimur heimsálfum. Hverjar eru þær?

3.  Benedikt Jóhannesson átti manna mestan þátt í að stofna stjórnmálaflokk sem kallast ... hvað?

4.  Nokkru seinna var Benedikt orðinn ráðherra á vegum flokksins. Hvaða ráðherraembætti gegndi hann?

5.  Í september frumsýndi Þjóðleikhúsið söngleik einn sem varð nokkuð umdeildur, er óhætt að segja. Hvað heitir söngleikurinn?

6.  Og frá hvaða landi kom söngleikurinn?

7.  Önnur nýleg sýning Þjóðleikhússins er hins vegar langt frá því umdeild, heldur hefur hlotið beinlínis einróma lof. Það er sýning byggð á frásögn Héðins Unnsteinssonar á glímu hans við geðsjúkdóm og viðbrögð samfélagsins. Hvað heitir hún geysivinsæla sýning?

8.  Leikstjóri bæði söngleiksins og síðarnefndu sýningarinnar er sá eða sú sama. Hver er það?

9.  Seúl er höfuðborg í ... hvaða landi?

10.  Jim Morrison var söngvari í vinsælli rokkhljómsveit um 1970 sem flutti lög eins og Light Me Fire. Hann lést svo af völdum drykkjuskapar aðeins 27 ára gamall. Hvað hét hljómsveitin sem hann var í?

***

Seinni aukaspurning:

Hluti af hvaða vörumerki eða lógó má sjá hér að neðan?

***

Svör við aðalspurningum:

1.  Kálfskinn.

2.  Norður- og Suður-Ameríka.

3.  Viðreisn.

4.  Fjármálaráðherra.

5.  Sem á himni.

6.  Svíþjóð.

7.  Vertu úlfur.

8.  Unnur Ösp.

9.  Suður-Kóreu.

10.  The Doors.

***

Svör við aukaspurningum:

Á efri myndinni er Vera Illugadóttir!

Á neðri myndinni er vörumerki Amazon.