Fyrri aukaspurning!

Hér má sjá írska konu um 1900 vinna við tiltekið verkfæri. Svipuð, en ekki alveg eins verkfæri voru notuð hér á landi. Hvað kallast þetta verkfæri?

***

Aðalspurningar:

1.  Í hvaða leikhússal, tónleikasal, óperusal á Íslandi rúmast flestir áhorfendur?

2.  Hver sendi frá sér tvær plötur samtímis árið 2005 — Ást, og Í sex skrefa fjarlægð frá Paradís?

3.  Hrunið margfræga á haustdögum fyrir rúmum áratug hófst þegar stjórnarformaður banka eins gekk á fund Seðlabanka Íslands og bað um neyðaraðstoð. Hvaða ár var þetta?

4.  En um hvaða banka var þarna að ræða?

5.  Einmitt um það leyti var íslenska utanríkisþjónustan önnum kafin við tiltekið verkefni sem farið var af stað með nokkrum árum fyrr. Ísland sóttist sem sé eftir ... hverju?

6.  Hvaða byggð var nýlega lögð niður á Laugarvatni?

7.  Hver býr við Paradísareplaveg 111?

8.  Latneska orðið fasces merkir sérstaka gerð vanda eða prika sem þjónar eða fylgdarmenn helstu embættismanna Rómaveldis gengu um með sem tákn um tign embættismannanna. Hvers vegna hafa þessir vendir öðlast sérstaka frægð síðustu 100 árin?

9.  En hvað þýðir latneska orðið faecēs?

10.  Árið 1934 var Alexander 1. konungur myrtur þegar hann var í opinberri heimsókn í Frakklandi. Morðinginn var aðskilnaðarsinni í landi konungs og vonaðist hann til að morðið yrði til þess að landið leystist upp. Ekki varð þó af því fyrr en löngu seinna. Yfir hvaða landi var Alexander 1. konungur? 

***

Seinni aukaspurning!

Hver er þessi glaðbeitta baráttukona?

***

Svör við aðalspurningum:

1.  Eldborg í Hörpu.

2.  Bubbi Morthens.

3.  2008.

4.  Glitni.

5.  Sæti í öryggisráði Sameinuðu þjóðanna.

6.  Hjólhýsabyggð.

7.  Andrés Önd.

8.  Vegna þess að fasistar tóku að kenna sig við þá.

9.  Kúkur.

10.  Júgóslavíu.

***

Svör við aukaspurningum:

Rokkur heitir græjan á efri myndinni.

Katrín Oddsdóttir konan á neðri myndinni.