Fyrri aukaspurning:

Um hverja fjallaði sú sjónvarpsþáttaröð þar sem þessi glaðlega sól birtist öðruhvoru?

***

Aðalspurningar:

1.  Arnold Schwarzenegger var um tíma ríkisstjóri í ... hvaða ríki Bandaríkjanna?

2.  En frá hvaða landi var hann upphaflega?

3.  Morðingi nokkur á að hafa sagt: „Nú eru sólarlitlir dagar, bræður“ þótt flennisólskin væri. Þótti það merki um hve dimmur væri hugur hans. Hvað hét hann?

4.  Í nágrenni við hvaða borg er Versalahöll?

5.  Hvað er suðumark vatns við venjulegar aðstæður?

6.  Í mars 1985 var Grigory nokkur Romanov meðal þeirra sem komu til mála í ákaflega ábyrgðarmikið starf, en keppinautur hans skaut honum ref fyrir rass og fékk starfið. Afleiðingin varð sú að Romanov féll í gleymskunnar dá en keppinautur hans fór með himinskautum næstu árin. Hvað hét þessi keppinautur?

7.  Charles Darwin fór á ofanverðri 19. öld í siglingu um heiminn. Hvað hét skipið sem hann sigldi á.

8.  Hvaða kenningu setti Darwin fram í lok siglingar sinnar?

9.  Hver skrifaði bókina Á Skipalóni sem hafði að geyma smásögur sem voru byggðar á æskuárum höfundar á ofanverðri 19. öld?

10.  Hvað heitir refurinn í Hálsaskógi?

***

Aukaspurning sú hin síðari:

Þessar tvær leikkonur léku aðalhlutverkin í leiksýningu sem Þjóðleikhúsið setti upp snemma árs eftir frægri skáldsagnaröð. Hvað hét sýningin?

Svo er lárviðarstig fyrir að hafa nöfnin á þeim báðum rétt!

***

Svör við aðalspurningum:

1.  Kaliforníu.

2.  Austurríki.

3.  Axlar-Björn.

4.  París.

5.  100 gráður á Selsíus.

6.  Mikhaíl Gorbatsjev.

7.  Beagle.

8.  Þróunarkenninguna.

9.  Nonni, Jón Sveinsson.

10.  Mikki.

***

Aukaspurningasvörin!

Sólin á efri myndinni er úr þáttunum um Stubbana eða Teletubbies.

Leikkonurnar Unnur Ösp og Vigdís Hrefna léku í Framúrskarandi vinkonu.