Fyrri aukaspurning:

Konan sem sést á myndinni hér að ofan ásamt kærasta sínum, hún fæddist 1. október 1910 og hefði því orðið 122 ára í dag ef hún hefði ekki dáið 23 ára gömul. Hvað hét hún? — og skírnarnafnið dugar.

***

Aðalspurningar:

1.  Hvað nefndist fyrirtækið sem var miðpunkturinn í viðskiptaveldi Jóns Ásgeirs Jóhannessonar þegar völlur hans var sem mestur?

2.  Tiltekin ætt í dýraríkinu nefnist Macrouridae á latínu en langhalar á íslensku. Hvernig dýr eru langhalar?

3.  Veröld er það kallað, hús eitt á Melunum í Reykjavík, nálægt bæði Hótel Sögu og Háskólanum. En Veröld nefnist líka Hús ... ja, hús hvers eða hverrar?

4.  Á hvaða landi lendir maður ef farið er beint í norður frá Grímsey?

5.  Frá hvaða landi er Formula 1 kappaksturshetjan Michael Schumacher?

6.  Hversu margir Formula 1 kappakstrar eru haldnir á þessu ári, 2022? Hér má muna fjórum til eða frá.

7.  Ökumenn frá hvaða Norðurlandi hafa verið tíðari gestir á verðlaunapalli í Formula 1 kappakstri en íbúar allra hinna þjóðanna samanlagt?

8.  Árið 1994 fengu þrír karlar friðarverðlaun Nóbels. Það voru Ísraelsmennirnir Shimon Peres og Yitzak Rabin og svo ... hver? 

9.  Í hvaða styrjöld var barist mánuðum saman — og með miklu mannfalli — um heldur hrjóstrugan skaga sem nefnist nú eins og þá Gallipoli á Tyrklandi?

10.  Undir forystu Andreas Augusts von Kohl, sem oft var nefndur kafteinn Kohl, var starfrækt eins konar herfylking á tilteknum stað á Íslandi 1856-1869. Herfylkingin varð kröftug í félagsstarfi fólks á staðnum og hátíðir hennar urðu afdrifaríkar og má með vissum hætti segja að þær séu enn við lýði. Hvar starfaði kafteinn Kohl?

***

Seinni aukaspurning:

Rétt eins og konan á efri myndinni, þá á karlinn á myndinni hér að neðan afmæli í dag. Ólíkt henni er hann enn á lífi og heldur upp á 98 ára afmælið sitt. Hann var um tíma valdamaður mikill. Hvað heitir hann?

***

Svör við aðalspurningum:

1.  Baugur.

2.  Fiskar. 

3.  Vigdísar (Finnbogadóttur).

4.  Grænlandi.

5.  Þýskalandi.

6.  Keppnirnir í ár eru 22 svo rétt er allt frá 18 til 26.

7.  Finnlands.

8.  Yasser Arafat.

9.  Fyrri heimsstyrjöldinni.

10.  Í Vestmannaeyjum.

***

Svör við aukaspurningum:

Á efri myndinni er bófastúlkan Bonnie Parker ásamt kærasta sínum Clyde Barrow.

Á neðri myndinni er Jimmy Carter fyrrum Bandaríkjaforseti ásamt konu sinni Rosalynn.