Borg­ar­ráð sam­þykkti á fundi sínum dag að skipa nefnd um heild­stæða athugun á starf­semi vöggu­stofu að Hlíð­ar­enda og Vöggu­stofu Thor­vald­sen­fé­lags­ins.

Hópurinn Réttlæti sem barist hefur fyrir slíkri rann­sókn fund­aði með Degi B. Egg­erts­syni borg­ar­stjóra í apríl og kall­aði eftir rann­sókn á starf­sem­inni.  Vöggu­stofur voru starf­ræktar í Reykja­vík frá 1949 til 1973 og segja með­limir hóps­ins það óum­deilda stað­reynd studda rann­sóknum að starfs­hættir á vöggu­stofum borg­ar­innar hafi ekki boðið upp á annað en skað­lega og illa með­ferð á öllum börnum sem þar voru vistuð. Laga­frum­varp for­sæt­is­ráð­herra sem veitir Reykja­vík­ur­borg heim­ild til að fram­kvæma rann­sókn­ina var sam­þykkt á Alþingi í júní.

Kjartan Björg­vins­son hér­aðs­dóm­ari verður for­maður nefnd­ar­innar og að með honum í nefnd­inni starfar Urður Njarðvík pró­fessor í barna­sál­fræði og fyrr­ver­andi deild­ar­for­seti Sál­fræði­deildar HÍ og Ellý Alda Þor­steins­dóttir félags­ráð­gjafi. Starfs­maður nefnd­ar­innar verði Trausti Fannar Valsson lög­fræð­ingur og dós­ent við Háskóla Íslands. 

„Nefndin skal vera sjálf­stæð og óháð í störfum sínum og verður heim­ilt að kalla eftir aðstoð og upp­lýs­ingum frá aðilum innan og utan stjórn­kerfis Reykja­vík­ur­borgar við ein­staka þætti athug­un­ar­innar,“ segir í til­kynn­ingu um málið frá Reykja­vík­ur­borg. „Fundir nefnd­ar­innar skulu vera lok­aðir. Nefnd­ar­menn og starfs­maður hennar eru bundnir þagn­ar­skyldu um hvað­eina er varðar einka­líf fólks sem þeir fá upp­lýs­ingar um við störf nefnd­ar­innar. Miðað er við að nefndin ljúki störfum eigi síðar en 31. mars 2023. Borg­ar­ráð ákveður þá með­ferð sem loka­skýrsla nefnd­ar­innar fær.“