Fiskistofa þarf að láta vita þegar hún setur á loft eftirlitsdróna til að fylgjast með ólöglegu brottkasti, nái tillaga atvinnuveganefndar fram að ganga. Þetta er meðal þeirra breytinga sem meirihluti nefndarinnar leggur til við frumvarp Svandísar Svavarsdóttur sjávarútvegsráðherra. Fiskistofa hefur notað dróna til að fylgjast með brottkasti undanfarin misseri og hefur það eftirlit leitt í ljós að brottkast, sem er ólöglegt, er mun algengara en stofnunin hafði áður haldið fram.
Meirihluti nefndarinnar, með Stefán Vagn Stefánsson, þingmann Framsóknarflokksins, í fararbroddi rökstyður breytinguna í nefndaráliti. Þar segir að athugasemdir hafi verið gerðar við eftirlit Fiskistofu og að gengið væri of nærri friðhelgi einkalífs einstaklinga með leynilegri vöktun á bátum og skipum. Nefndin hafi rætt sína á milli hvort ekki væri hægt að tilkynna um það þegar eftirlitið setti dróna í loftið en á móti hafi verið bent á að slík tilkynningarskylda gæti dregið úr fælingarmætti og markmiðum eftirlitsins.
„Meiri hlutinn bendir hins vegar á að verið sé að veita Fiskistofu heimild með lögum til að sinna eftirlitsskyldum sínum með nýrri tækni og um sé að ræða veigamikla þróun á framkvæmd eftirlits Fiskistofu. Meiri hlutinn telur því eðlilegt að stíga varlega til jarðar þegar um er að ræða nýtingu nýrrar tækni við eftirlit með fiskveiðum og telur sanngjarnt að Fiskistofa gefi út almenna tilkynningu áður en hún hefur eftirlit, t.d. á vef Fiskistofu,“ segir í álitinu.
Aðilar í sjávarútvegi, hvort sem er Samtök fyrirtækja í sjávarútvegi eða Samtök smærri útgerða, hafa gert athugasemdir við eftirlitsflugið og virðist nefndin fyrst og fremst vera að koma til móts við þær með breytingunni.
Persónuvernd hafði líka gert athugasemdir við að Fiskistofu skildi falið vald til eftirlits með leynd og ef að það væri raunverulegur vilji Alþingis, að færa þeim slíkt vald, yrði að gera það með vísan til ákvæða stjórnarskrárinnar um friðhelgi einkalífs. „Að mati Persónuverndar er ekki æskilegt að stofnun sem fer ekki með lögregluvald [...] sé veitt heimild til vöktunar með leynd, sambærileg þeim heimildum sem lögregla beitir í þágu rannsóknar sakamála,“ sagði í umsögn stofnunarinnar.
Hvað þýðir það líka að setja upp tilkynningu um drónaflug? Þarf að tilkynna svæði eða er nóg að segja: "dróni er í eftirlitsflugi yfir miðunum".
Svei þeim þingmönnum sem verja lögbrot!
Ja sei sei, næst fær lögreglan ákúrur fyrir að fara í eftirlitsferðir án þess að tilkynna innbrotsþjófum, drukknum ökumönnum osf. tímanlega og með leiðinni og tímanum sem eftirlitsferðirnar eru farnar. ... ef Persónuvernd fær ráðið. En þeir þurfa öngvar sérstakar heimildir fyrir eftirlitsferðir frekar en húseigandi um húsnæði sitt, á Securitas kannski líka að auglýsa eftirlitsferðir sínar... svo innmúraðir þjófar viti hvað stendur til ????
Persónuvernd þarf á andlegri aðstoð að halda .... það er nokkuð ljóst.
BRANDARI !!! Typical Icelandic lack of professionalism !!!