Fyrri aukaspurning:

Hvað heitir stúlkan sem hér að ofan er í greip föður síns?

***

Aðalspurningar:

1.  Árið 1986 var nýfædd stúlka hér á landi skírð tilteknu nafni sem ekki hafði þekkst á Íslandi áður. Nafnið var fengið frá söguhetju úr vinsælli bók sem hafði komið út á íslensku örfáum árum áður. Vinsældir bæði bókarinnar og nafnsins jukust svo hröðum skrefum á næstunni og nú er svo komið að hundruð íslenskra stúlkna hafa fengið þetta nafn. Árið 2020 fengu 15 stúlkur til dæmis þetta nafn. Og allar heita þær ... ?

2.  Í hvaða heimsálfu blása monsún vindar?

3.  Jón Atli Benediktsson er skólastjóri eða rektor í skóla einum. Hvaða skóla?

4.  Samuel Alito er Bandaríkjamaður sem nýlega komst í fréttirnar, frekar óvænt. Hvers vegna?

5.  Guðmundur Arnar Guðmundsson leikstýrði kvikmynd sem nýlega var frumsýnd við góðar undirtektir. Myndin fjallar um vináttu nokkurra ungra pilta og svolítið um móður eins þeirra. Hvað heitir þessi mynd?

6.  En hvaða þýðir annars það orð?

7.  Þann 16. ágúst 1941 kom Winston Churchill forsætisráðherra Breta í heimsókn í borg eina og vakti heimsóknin mikla athygli, enda stóð síðari heimsstyrjöldin þá sem hæst og enginn var frægari en Churchill um þær mundir. En hvaða borg var það sem Churchill heimsótti?

8.  Rómverjar kölluðu Miðjarðarhafið Mare Nostrum. Hvað þýðir það?

9.  Gerard Kuiper og Jan Oort voru báðir Hollendingar og eiga það sameiginlegt að tiltekin náttúrubrigði eru nefnd eftir þeim. Hvar má finna þau fyrirbrigði sem kennd eru við Kuiper og Oort?

10.  Ítalskur endurreisnarmálari hefði í rauninni átt að bera eftirnafnið Buonarroti en hann er nær eingöngu kunnur undir skírnarnafni sínu, sem var ... ?

***

Seinni aukaspurning:

Úr hvaða sjónvarpsseríu er skjáskotið hér að neðan?

***

Svör við aðalspurningum:

1.  Ronja.

2.  Asíu.

3.  Háskóla Íslands.

4.  Hann skrifaði drög að mjög umdeildu áliti Hæstaréttar Bandaríkjanna um þungunarrof.

5.  Berdreymi.

6.  Að dreyma fyrir óorðnum hlutum og atburðum.

7.  Reykjavík.

8.  Hafið okkar.

9.  Úti í geimnum.

10.  Michelangelo.

***

Svör við aukaspurningum:

Á efri myndinni er Svetlana, dóttir Stalíns.

Á neðri myndinni má sjá aðalpersónurnar í ítalska sjónvarpsmyndaflokknum Framúrskarandi vinkonu, eins og þær eru túlkaðar ungar að árum.