Fyrri aukaspurning:

Hvar er myndin hér að ofan tekin?

***

Aðalspurningar:

1.  Milli hvaða landa er Beringssund?

2.  Hverrar þjóðar var Bering sá sem sundið er kennt við?

3.  Fyrir hvaða flokk situr Sanna Magdalena Mörtudóttir í borgarstjórn Reykjavíkur?

4.  Hvað heita fjöllin tvö við mynni Hvalfjarðar?

5.  Hver skrifar reglulega barnabækur um hana Fíasól? 

6.  Á árunum 1960-75 átti tiltekinn erlendur reyfarahöfundur oftar en ekki söluhæstu bækurnar á Íslandi fyrir hver jól. Hvað hét hann?

7.  Hvað heitir kýrin sem stundum birtist í Andrésblöðunum og er mikil vinkona Minní Músar?

8.  Í hvaða kirkju í Reykjavík þjónar séra Davíð Þór Jónsson?

9.  Aðeins einn Íslendingur spilar nú í ensku úrvalsdeildinni. Hvað heitir hann?

10.  Og fyrir hvaða lið spilar hann?

***

Seinni aukaspurning:

Hvaða dýr er þetta? Almennt tegundarheiti dugar en þeir sem vita nákvæmlega af hvaða tegund dýrið er — það er að segja á íslensku — þeir fá lárviðarstig.

***

Svör við aðalspurningum:

1.  Milli Rússlands og Bandaríkjanna.

2.  Danskur.

3.  Sósíalistaflokkinn.

4.  Esjan og Akrafjall.

5.  Kristín Helga.

6.  Alistair MacLean.

7.  Klarabella.

Klarabella

8.  Laugarneskirkju.

9.  Jóhann Berg.

10.  Burnley.

***

Svör við aukaspurningum:

Á efri myndinni er kastalinn í Edinborg í Skotlandi.

Á neðri myndinni er kattalemúr. Lemúr dugar fyrir stigi, en kattalemúr fyrir lárviðarstigi.