Þessi grein birtist upphaflega í Stundinni fyrir meira en 3 árum.

Kristjón Kormákur játar innbrot á ritstjórnarskrifstofu Mannlífs

Rit­stjór­inn Kristjón Kor­mák­ur Guð­jóns­son hef­ur við­ur­kennt inn­brot á rit­stjórn­ar­skrif­stofu Mann­lífs. Hann steig fram í við­tali við Reyni Trausta­son, rit­stjóra Mann­lífs, í hlað­varps­þætti sem birt­ur var í kvöld. Seg­ist hafa feng­ið millj­óna greiðsl­ur frá Ró­berti Wessman fyr­ir ráð­gjöf og fleira.

Kristjón Kormákur játar innbrot á ritstjórnarskrifstofu Mannlífs
Úr viðtalinu Reynir Traustason ræddi við Kristjón Kormák í hlaðvarpsþættinum Mannlífið sem birtur var á vef Mannlífs í kvöld. Mynd: Mannlíf

Kristjón Kormákur Guðjónsson, ritstjóri fjölmiðilsins 24.is, hefur viðurkennt innbrot á ritstjórnarskrifstofu Mannlífs 21. janúar síðastliðinn. Hann ætlar að gefa skýrslu um málið hjá lögreglunni. Kristjón segist hafa verið á launum hjá Róberti Wessman fyrir ýmis viðvik en innbrotið hafi hins vegar ekki verið með hans vilja eða vitund.

„Hann bað aldrei um það, hann fékk aldrei skjal úr þessari tölvu,“ fullyrti Kristjón sem segist þó hafa talað við auðmanninn í síma morguninn eftir innbrotið þar sem hann hafi sagt honum frá innbrotinu og að hann hefði tölvu Reynis Traustasonar undir höndum. 

Í innbrotinu var vefur Mannlífs eyðilagður og færslum, bæði birtum og þær sem voru í vinnslu, eytt. Hann steig fram og játaði verknaðinn í viðtali við Reyni Traustason, ritstjóra Mannlífs, í hlaðvarpsþætti hans á fjölmiðlinum í kvöld. Þátturinn var birtur rúmlega 22.10 og er rúmlega klukkutíma að lengd.

„Ég fann þessa tilfinningu, það er ekki rétt að gera þetta,“ lýsti Kristjón Kormákur í viðtalinu um það sem fór í gegnum huga hans þar sem hann stóð fyrir utan ritstjórnarskrifstofur Mannlífs í aðdraganda innbrotsins. Hann hafi þó farið inn á skrifstofuna, tekið þar turntölvu og fartölvu Reynis. 

Kristjón lýsti því einnig í viðtalinu að auðmaðurinn Róbert Wessman hafi fjármagnað rekstur fréttavefsins 24.is með fjárframlögum. Hann segir að Róbert hafi ekki viljað eiga hlut í miðlinum en tilbúinn að greiða honum tugi milljóna til að byggja hann upp. 

Fann til með Róberti

Kristjón hafi svo upplifað Reyni og Mannlíf sem óvini Róberts og að hann hafi viljað sann sig gagnvart velgjörðarmanni sínum. „Ég fann til með honum,“ sagði Kristjón um Róbert. 

VinurKristjón sagðist hafa farið að horfa á Róbert sem vin. Samskipti þeirra hafi verið mikil.

Greiðslurnar hafi meðal annars verið fyrir ráðgjöf til handa Róberti. „Það kemur í ljós að þekking mín er mikil,“ sagði Kristjón sem lýsti því sem svo að verkefni utan fjölmiðilsins hafi verið margvísleg. Samskipti þeirra hafi verið mikil og náin. „Ég var farinn að telja hann til vina minna [...] Við vorum kannski að tala saman klukkan tíu á kvöldin,“ sagði Kristjón og bætti því við að hann hafi verið hálfgerður sálusorgari Róberts og þurft að „peppa“ hann.

Það var þó ekki að beiðni Róberts sem innbrotið var framið, að sögn Kristjóns. „Ég get sagt það, hann bað aldrei um að þetta væri gert,“ sagði hann en lýsti í beinu framhaldi miklu valdaójafnvægi í samskiptum sínum við auðmanninn. Morguninn eftir innbrotið hafi hann þó talað við fólk í kringum Róbert og svo hann sjálfan skömmu síðar. 

Ætlaði að eyða vefnum

Kristjón lýsir því í viðtalinu við Reyni að markmið innbrotsins hafi verið að eyða vef Mannlífs og losa sig við keppinaut. Undir niðri hafi þó kraumað von um að í tölvu Reynis myndu leynast gögn. „Ég var bara kominn í örvæntingu,“ sagði hann. Kristjón sagðist hafa vitað það allan tíman að hann ætti ekki að framkvæma innbrotið en hafi þó látið til skara skríða.

„Ég get sagt það, hann bað aldrei um að þetta væri gert.“
Kristjón Kormákur
um Róbert Wessman og innbrotið

Það tókst þó ekki, því vefurinn var að mestu kominn aftur í loftið fljótlega eftir innbrotið. 

Á endanum hafði hann svo samband við Reyni til að játa verknaðinn, sem lýsti því sjálfur að símtalið hafi glatt. „Ég var alveg ótrúlega glaður einhvernvegin. þá var myrkrið farið,“ sagði Reynir við Kristjón í viðtalinu. „Ég lít ekki á þig sem stóra gerandann í þessu máli.“ 

Viðtalið er rúmur klukkutími að lengd og má sjá í spilaranum hér að ofan eða á vef Mannlífs

Kjósa
0
Hvernig finnst þér þessi grein? Skráðu þig inn til að kjósa.

Athugasemdir (1)

Skráðu þig inn til að skrifa athugasemd eða kjósa.
Allar athugasemdir eru ábyrgð á þeirra sem þær skrifa. Heimildin áskilur sér rétt til að fjarlægja ærumeiðandi og óviðeigandi athugasemdir. Hægt er að láta vita af athugasemdum með því að smella á Tilkynna.

Mest lesið

Júlía Margrét Alexandersdóttir
3
Það sem ég hef lært

Júlía Margrét Alexandersdóttir

Ekki hlusta á allt sem heil­inn seg­ir þér

Júlía Mar­grét Al­ex­and­ers­dótt­ir hef­ur lif­að með geð­hvörf­um í 15 ár. Hún hef­ur kljáðst við dekksta lit þung­lynd­is og fund­ið fyr­ir und­ur­vellíð­an í man­íu. Í ferl­inu hef­ur Júlía lært að stund­um á hvorki hjart­að né heil­inn at­kvæð­is­rétt. „Stund­um eru það annarra manna heil­ar og annarra manna hjörtu sem vita best.“

Mest lesið

Mest lesið í vikunni

Mest lesið í mánuðinum

Sælukot hagnast um tugi milljóna en starfsfólk og foreldrar lýsa skorti
4
Rannsókn

Sælu­kot hagn­ast um tugi millj­óna en starfs­fólk og for­eldr­ar lýsa skorti

Einka­rekni leik­skól­inn Sælu­kot, sem hef­ur feng­ið millj­arð króna í op­in­ber fram­lög síð­asta ára­tug, hef­ur hagn­ast vel og nýtt pen­ing­ana til að kaupa fast­eign­ir fyr­ir stjórn­ar­for­mann­inn. Stjórn­end­ur leik­skól­ans segja mark­mið­ið vera að ávaxta rekstr­araf­gang, en fyrr­ver­andi starfs­menn og for­eldr­ar nem­enda kvarta und­an langvar­andi skorti. Skól­an­um var ný­lega lok­að tíma­bund­ið vegna óþrifn­að­ar og mein­dýra.
Hollt mataræði lykilatriði að góðri heilsu
6
Fréttir

Hollt mataræði lyk­il­at­riði að góðri heilsu

Ax­el F. Sig­urðs­son, sér­fræð­ing­ur í hjarta­lækn­ing­um, hef­ur skoð­að tengsl fæðu og lífs­stíls við sjúk­dóma, einkum hjarta- og æða­sjúk­dóma. Tal­að hef­ur ver­ið um að lífs­stíls­sjúk­dóm­ar séu stærsta ógn­in við heilsu fólks og heil­brigðis­kerfi til næstu ára­tuga. Ax­el seg­ir að fólk geti breytt miklu með hollu mataræði og hreyf­ingu. Fé­lags­leg tengsl séu líka mik­il­væg. Hann ráð­legg­ur hreina fæðu til að sporna við kvill­um.

Mest lesið í mánuðinum

Nýtt efni

Mest lesið undanfarið ár