Þemaþraut, úr því tala þrautarinnar endar á núlli. Hér eru því komnar mannkynssöguspurningar, nokkuð almenns eðlis.

Fyrri aukaspurning:

Rétt eftir að myndin hér að ofan var tekin, hvað gerðist þá?

***

Aðalspurningar:

1.  Hver var forseti Rússlands næstur á undan Vladimír Pútin árið 1999?

2.  Simeon Borisov von Saxe-Coburg-Gotha varð keisari í landi einu þegar hann var sex ára en var svo hrakinn frá völdum aðeins tveim árum síðar. Þá var árið 1946. Árið 2001 sneri hann aftur og varð þá forsætisráðherra í landinu þar sem hann hafði áður verið keisari. Hvaða land er þetta?

3.  Hvað hét fyrsta konan sem varð forsætisráðherra Bretaveldis?

4.  Í þróuðu vestrænu lýðræðisríki fengu konur ekki kosningarétt fyrr en árið 1971 eftir þjóðaratkvæðagreiðslu. Hvaða ríki var svo aftarlega á merinni í kvenréttindamálum?

5.  Liliʻuokalani hét drottning í ríki einu en henni var hrundið frá völdum árið 1893 og ríkið varð síðan hluti Bandaríkjanna. Í hvaða landi var Lili'uokalani drottning?

6.  Hver var „stóra Bertha“ sem kom við sögu í fyrri heimsstyrjöldinni?

7.  Luddítar svonefndir voru upphaflega herskáir vefarar á Bretlandi á fyrri hluta 19. aldar en nafnið er nú notað almennt yfir þá sem ... ja, sem hvað?

8.  Þjóðverjinn Matthias Rust tryggði sér neðanmálsgrein í mannkynssögunni árið 1987 þegar hann ... ja, hvað gerði hann?

9.  Hver var höfuðborg hinna svonefndu Abbasída?

10.  Sagnfræðingar tala stundum um Býsans-ríkið sem eitt af stórveldum heimsins öldum saman. Það er nafn sem þeir hafa sjálfir fundið upp til hagræðingar yfir ríki sem var í rauninni ... ?

***

Seinni aukaspurning:

Hér má sjá feðgin sem bæði urðu æðstu valdamenn í landi sínu. Hvað hétu þau? Hafa verður bæði eftirnöfn þeirra rétt. Lárviðarstig fæst hins vegar ef fólk hefur skírnarnafn föðurins hárrétt!

***

Svör við aðalspurningum:

1.  Jeltsín.

2.  Búlgaría.

3.  Thatcher.

4.  Sviss.

5.  Havaí.

6.  Fallbyssa.

7.  Þá sem eru á móti aukinni vélvæðingu og/eða sjálfvirkni í atvinnulífi.

8.  Lenti flugvél sinni við Rauða torgið í Moskvu.

9.  Bagdad,

10.  Austurrómverska ríkið — ríkið sem eftir stóð þegar Rómaveldi í vestri féll.

***

Svör við aukaspurningum:

Fyrri myndin var tekin rétt áður en John F. Kennedy Bandaríkjaforseti var myrtur.

Á seinni myndinni eru Jawaharlal Nehru og dóttir hans Indira Gandhi.