Fyrri aukaspurning:
Hvað heitir sú þraut sem hér að ofan sést?
Þið fáið svo sérstakt aukastig, kennt við Ásmund Helgason, ef þið leysið þrautina.
***
Aðalspurningar:
1. Hvaða stríði lauk 30. apríl 1975?
2. Í hvaða landi er héraðið Toskana?
3. Skáldsaga ein sem byrjaði að koma út árið 1913 hefst á setningu sem má þýða svona: „Lengi vel fór ég alltaf snemma í háttinn.“ Hver var höfundur þeirrar sögu?
4. „Dennis the Menace“ er amerískur teiknimyndadrengur sem kunnur er fyrir hrekkjabrögð og sniðugheit. Hann er víst enn við lýði en velmektardagar hans voru þó á árum 1960-1980 þegar ævintýri hans birtust víða um heim, þar á meðal í íslensku dagblaði. Einnig voru gerðir sjónvarpsþættir og kvikmyndir um hann. Hvað var Dennis the Menace kallaður á íslensku?
5. Í sjónvarpsþáttunum Verbúðinni snerist einn þráðurinn um dóttur sem Grímur togaraskipstjóri hafði eignast framhjá eiginkonu sinni en eiginkonan „rændi“ svo dótturinni, að segja má. Hvað nefndist dóttirin í sjónvarpsþáttunum?
6. En hvað heitir persónan sem Guðjón Davíð Karlsson, eða Gói, leikur í þáttunum?
7. Hvaða fyrirbæri er andarnefja?
8. Hver var Bandaríkjaforseti á undan Barack Obama?
9. Hvað heitir allstór eyja tæpa 600 kílómetra norður af Íslandi sem tilheyrir Noregi?
10. Assassin's Creed. Hvað er það?
***
Seinni aukaspurning:
Hvað heitir konan á myndinni hér að neðan?
***
Svör við aðalspurningum:
1. Víetnam-stríðinu.
2. Ítalíu.
3. Proust.
4. Denni dæmalausi.
5. Sæunn.
6. Einar.
7. Hvalategund.
8. Bush.
9. Jan Mayen.
10. Tölvuleikur.
***
Svör við aukaspurningum:
Þrautin nefnist sudoku.
Konan heitir Páley Borgþórsdóttir. Þið fáið rétt þótt þið segi Bergþórsdóttir en ekki Borgþórs.
Veistu meira? Láttu okkur vita
Það tókst ekki að sækja formið. Reyndu aftur eftir augnablik.
Ýttu á + við höfund, fréttamál eða greinaröð til að fylgja því og fá tölvupóst þegar eitthvað nýtt kemur, einn á dag í mesta lagi. Því sem þú fylgir stjórnarðu á Minni síðu.
Athugasemdir