Fyrri aukaspurning:

Hver málaði málverkið sem sést hluti af hér að ofan?

***

Aðalspurningar:

1.  Hvað heitir höfuðborgin í Aserbædjan?

2.  Hver gaf út bókin Die Traumdeutung eða Túlkun drauma árið 1899?

3.  Einn af núlifandi riddurum breska heimsveldisins er Reginald Kenneth Dwight, þótt raunar sé hann kunnari undir öðru nafni. Hvaða nafn er það?

4.  Hin tvítuga Zoi Sadowski-Synnott vann á dögunum fyrstu gullverðlaun Ný-Sjálendinga á vetrarólympíuleikum. En í hvaða grein?

5.  Hvað heitir skurðurinn milli Miðjarðarhafs og Rauða hafs?

6.  Hvað heitir heiðin sem ekin er milli Reykjavíkur og Hveragerðis?

7.  Árið 1874 töldu menn sig verða varir við skrímsli eitt skríða upp úr sjónum þar sem heitir Katanes. Fleiri töldu sig svo sjá skrímslið næstu misseri en loks virðist það hafa gufað upp. En hvar er þetta Katanes?

8.  Hversu hátt er Everest-fjall, nánast upp á metra — 7.850 metrar, 8.350 metrar, 8,850 metrar eða 9.350 metrar?

9.  Í hvaða bíómynd eða sjónvarpsþáttum er fjallað um Trapp-fjölskylduna?

10.  Hversu margir af forsetum Islands hafa setið á Alþingi sem þingmenn?

***

Aukaspurning sú hin síðari í dag:

Hér að neðan má sjá aðalleikara í leiksýningu sem nýlega var sett upp í Þjóðleikhúsinu. Hvaða leikrit var um að ræða?

***

Svör við aðalspurningum:

1.  Bakú.

2.  Sigmund Freud.

3.  Sir Elton John.

4.  Snjóbretti.

5.  Súesskurður.

6.  Hellisheiði.

7.  Í Hvalfirði.

8.  8.850 metrar — raunar einum metra lægra.

9.  Tónaflóði — eða Sound of Music.

10.  Þrír: Sveinn Björnsson, Ásgeir Ásgeirsson, Ólafur Ragnar Grímsson.

***

Svör við aukaspurningum:

Efri mynd sýnir hluta málverks eftir Van Gogh.

Neðri mynd er úr Rómeó og Júlíu.