Þessi grein birtist upphaflega í Stundinni fyrir meira en 2 árum.

Saga Úkraínu er bæði lengri og merkari en saga Rússlands!

Saga Úkraínu er bæði lengri og merkari en saga Rússlands!
Tripillja — 30 þúsund manna borg fyrir 6.000 árum! Svo undarlega sem blasir við virðist bæjarstæðið hafa verið yfirgefið og jafnvel brennt reglulega á 60-80 ára fresti, án þess að ummerki séu um stríð eða vopnavald. Enginn kann skýringu á þessu ennþá. En lengi byggðist borgin alltaf upp aftur.

Ófriðvænlegt er nú kringum Úkraínu. Ástæðurnar virðast ýmsar — en hverfast flestar annars vegar um þörf Rússa örugg landamæri í vestri, eftir bitra reynslu af innrásum úr þeirri átt, og hins vegar um þörf Úkraínu (og nágrannaríkja) til að vera örugg fyrir ásókn Rússa.

Síðustu aldirnar hafa Rússar sennilega farið talsvert oftar með her á hendur á nágrannaríkjum (þar á meðal Úkraínu) en þeir hafa sjálfir sætt innrásum, án þess ástæða sé til að metast um þær hörmungar allar.

Þá er heldur engin ástæða til að horfa framhjá því að leiðtogi Rússa vill beina athyglinni frá vaxandi vandamálum innanlands með því að magna upp óvin utanlands.

Það er gamalreynd brella harðstjóra og virðist nær alltaf virka.

Annars ætla ég ekki í þessum pistli að rekja það sem nú er á seyði, heldur hitt sem á undan er gengið. Sem sé sögu Úkraínu.

Svarta moldin

Menn hafa búið í Úkraínu frá örófi alda og Neanderdalsmenn þar á undan og eflaust fleiri manntegundir. Enda var þar gott til búsetu, veðurfar milt og hlýtt í suðri og gnægð veiðidýra í skógum. Nyrðri hluti þess landsvæðis sem við köllum nú Úkraínu nær norður í laufskógana miklu sem forðum teygðu sig eftir öllu hinu tempraða belti Evrópu og að Úralfjöllum.

Í syðri hlutanum fer að bera á gresjum og þar er hin svokallaða „svarta mold“ sem þykir einkar frjósöm og gerði Úkraínu eftirsótta mjög til kornræktar — þegar þar að kom.

Íbúar í Tripillju voru listamenn.

Fyrir um 7.000 árum fór einmitt að rísa á svæðinu — allt frá vesturhluta núverandi Úkraínu og inn í Rúmeníu — merkileg menning sem fræðimenn hafa nefnt hinu hljómfagra nafni Cucuteni–Trypillia. Þar var stundaður sjálfbær landbúnaður og efnahagur virðist hafa verið með mestu ágætum, verkmenntun var á háu stigi og allt í blóma.

Af ýmsum ástæðum áttuðu menn sig mjög seint á mikilvægi Cucuteni–Trypillia menningarinnar en hún sýnir að hin hefðbundna mynd af upphafi menningar sem risið hafi eingöngu við hin miklu fljót í Egiftalandi, Mesópótamíu (Írak), Indlandi og Kína, sú mynd er alröng.

Þótt sú menningarríki við fljótin hafi vissulega tekið eindregna forystu á ákveðnu tímabili sögunnar.

Stórborgir sinna tíma

Nema hvað, fyrir 6.000 fóru fólkið sem myndaði Cucuteni–Trypillia menninguna að reisa stórar og miklar borgir sem eru eiginlega fyrst að komast upp á yfirborðið (í bæði eiginlegri og óeiginlegri merkingu) allra síðustu áratugina.

Tripillja heitir nú fámennt syfjulegt smáþorp í Úkraínu, 40 kílómetrum sunnan við Kíev eða Kænugarð. 

En fyrir 6.000 árum var þar iðandi borg þar sem bjuggu allt að 30.000 sálir.

Sem er næsta ótrúleg stærð fyrir þann tíma.

Því miður er alltof fátt vitað um þessa borg og aðrar á svæðinu (því þær voru margar) en hérna má lesa grein sem ég skrifaði um borgina fyrir nokkrum árum. Greinin heitir: „Fundu Úkraínumenn upp lýðræðið?“ Merkilegt þykir nefnilega að engin merki hafa fundist um yfirstétt eða einræði af neinu tagi í Tripilja.

Ótal mörgum heillandi spurningum er enn ósvarað um Cucuteni–Trypillia menninguna. Fólkið virðist til dæmis hafa fundið upp hjólið en að því er virðist eingöngu notað það í barnaleikföng eins og Majar í Ameríku alllöngu seinna.

Og af hverju brenndi fólkið borgir sínar á 60-80 ára fresti, en byggði þær síðan aftur nákvæmlega eins?!

Heil menning gufar upp

Fyrir 5.000 árum hvarf þessi menning af sjónarsviðinu. Deilt er um ástæður þess en þær voru líklega af ýmsu tagi. Talið er að hlýnað hafi verulega á svæðinu ansi snögglega og hefðbundinn landbúnaður og lifnaðarhættir Cucuteni–Trypillia fólks röskuðust. Í kjölfar þess að gresjur breiddust mjög út leituðu hirðingjar úr austri inn á svæðið, herskáir nokkuð og einbeittir eins og hirðingja er gjarnan háttur.

Tripilljumenn hirtu um sínar kýr og mótuðu þær í leir.

Þeir vilja eignast ný lönd til að beita hjörðum sínum, ekki sitja kyrrir og rækta garðinn sinn eins og jarðyrkjubændur.

Með hæfilegum einföldunum má segja að þarna hafi verið á ferð hópir eða þjóðir sem höfðu búið í austurhluta hinnar núverandi Úkraínu (Donetsk-héraðinu) um skeið og má kalla Kúrgana; oft líka kenndir við Yamnaya menningu. Þetta fólk hóf heilmikla útrás í margar áttir fyrir 5.000 til 4.000 árum.

Þótt það sé ekki óumdeilt telja margir fræðimenn að þessir tilteknu Úkraínumenn (!) hafi verið formæður og forfeður þeirra svonefndu Indó-Evrópumanna sem mynduðu að lyktum merk menningarríki á Indlandi og í Íran, auk þess sem áhrif þeirra urðu allsráðandi í Evrópu.

Dakíumenn svonefndir settust að í Rúmeníu en formæður Kelta, Grikkja, Rómverja, Germana og ótal fleiri þjóða héldu lengra í vesturátt.

Um þetta leyti tömdu menn hesta í fyrsta sinn og gerðist það einhvers staðar (eða víða) á svæðinu frá Úkraínu austur að norðurhluta Kasakastan.

Hinir mestu hestamenn Úkraínu

Nú má (enn með hæfilegum einföldunum) segja að í Úkraínu og syðstu héruðum hins núverandi Rússlands (norður af Svartahafi) hafi tekið við valdatíð Skýþa. Þeir og frændur þeirra Sarmatíumenn voru frægir hestamenn og þróuðu líklega ístöð í núverandi mynd sem gerði riddara þeirra trausta í sessi og óttalega óvini fyrir nágranna.

Veldi Skýþa um 170 fyrir Krist.

Skýþar réðu ríkjum (án þess þó vel að merkja að mynda öflug ríki) á sléttunum í nokkur hundruð ár fyrir og eftir Krists burð og gerðu reglulega innrásir á Balkanskaga og inn í Miðausturlönd, þótt sú kenning sé líka til að þeir hafi þvert á móti verið einkar friðsöm þjóð og kannski svarið sig meira í ætt við formæður sínar frá tímum Cucuteni–Trypillia heldur en Kúrgana.

Nema hvað — svo liðu aldirnar, fólk bjó áfram á sléttunum norðan við Svartahaf og lifði þar sínu lífi en einnig átti leið um fjöldi þjóða sem komu flestar hraðbyri að austan, en þó ekki allar.

Um árið 400 eftir upphaf tímatals vors, þá varð árekstur í Úkraínu sem varð svo frægur í kvæðum og þjóðsögum að margt af því efni lifir enn góðu lífi.

Einfaldasta mynd þeirra sögu er svona:

Á fjórðu öld hafði germönsk þjóð sem Gotar kallaðist mætt til Úkraínu og sest þar að og drottnaði yfir heimamönnum. Gotar voru sagðir komnir frá Gotlandi í Eystrasalti og engin sérstök ástæða er til að trúa því ekki. 

Nema hvað þá mætir úr austri herská þjóð komin alla leið úr Mið-Asíu.

Húnar.

Að hefna þess með Eddukvæðum ...

Hér er ástæðulaust að rekja eina ferðina enn herferðir Húna á fimmtu öld þegar þeir ruddust á endanum langt inn í Gallíu (Frakkland), virtust líklegir til að standa yfir höfuðsvörðum Rómaveldis og áttu líka innhlaup suður til Miðausturlanda.

Jörmunrekur Gotakóngur beið afhroð gegn Húnum

En áður sú saga öll hófst fyrir alvöru, þá herjuðu Húnar á Gota sem gerst höfðu herraþjóð á hinu forna yfirráðasvæði Cucuteni–Trypillia menningarinnar.

Skemmst er frá því að segja að Gotar fóru hrakfarir miklar.

Þeim var sópað hastarlega að heiman og flúðu í ofboði suður á Balkanskaga og síðan lengra vestur.

Þar gengu þeir í lið með öðrum þjóðum og náðu þannig að hefna sín á Húnum en um leið urðu til við varðeldana og kjötkatlana á kvöldin sögur og kvæði um baráttuna við óvininn úr austri.

Þar er komin rót ýmissa af þeim hetjukvæðum sem farið var að kalla Eddukvæði þegar þau höfðu ferðast (og umbreyst) á mörgum öldum alla leið vestur á Íslandsstrendur þar sem þau voru loks skrifuð niður.

Bændur hasla sér völl

Nema hvað — Húnar gufuðu upp eins og jörðin hefði gleypt þá vestur í Evrópu og sneru aldrei aftur á úkraínsku slétturnar. 

En þar var líka heilmikil umferð, því þjóðir eins og Alanar, Avarar, Búlgarar (sem lengi bjuggu við Svartahafið austanvert), Kasarar, Ungverjar, Petsjnekar og fleiri streymdu hjá á leiðinni vestur. 

En jafnframt því sem slíkar sögur voru orðnar býsna kunnuglegar á svörtu moldinni og hæðardrögunum, þá var líka annað að gerast sem hefði ekki endilega alltaf náð á forsíður fréttablaðanna (ef einhver hefðu verið um 500-700 e.Kr.) en átti þó eftir að verða afar afdrifaríkt — og reyndar miklu afdrifaríkara en mörg heimsóknin úr austri.

Því úr vestri, innan úr Mið-Evrópu, var nýtt fólk farið að slá niður hælum sínum á hinum úkraínsku sléttum og reyndar farið að feta sig lengra norður inn í laufskógabeltið þar sem hafði verið harla strjálbyggt miðað við Úkraínu og önnur svæði norður af Svartahafi.

En nú var þetta nýja fólk rækilega farið að hasla sér völl. Hinir nýkomnu gerðust digrir bændur og hirtu í svipinn minna um að að fara um með miklum hernaði. En gamalgrónir íbúar sem fyrir voru lentu undir ægishjálmi þessa nýja fólks og fóru fyrr en varði að tala þeirra tungu.

Þetta voru Slavar.

Hverjir bjuggu þá í Moskvu?

Ástæðulaust er að rekja í smáatriðum hvaða slavneskir ættbálkir settust að hvar, enda margt á huldu þar um, en um það bil árið 600 (í síðasta lagi) stofnaði einn þessara slavnesku ættbálka kaupstað á bugðu við fljótið Dnépr — af hreinni tilviljun ekki nema 40 kílómetrum frá þeim stað þar sem hafði verið iðandi 30.000 borg mörg þúsund árum fyrr.

Tripillja.

Þessi nýi kaupstaður fékk seinna nafnið Kíev eða Kænugarður.

Á sama tíma bjuggu finnskættaðir veiðimenn í skógunum langt í norðri við annað mikið fljót, Volgu. Þeir voru fámennir og þar sem heitir nú Moskva, þar var engin byggð.

Frá framhaldi sögu Úkraínumanna svo hérna!

En um þetta leyti var staðan svona:

Þótt aðvífandi innrásarþjóðir ættu leið um Úkraínu, sem nú heitir,þá voru íbúarnir orðnir Slavar þegar þarna var komð sögu (milli 700-850 eða um svipað leyti og Ísland byggðist).

´

Kjósa
0
Hvernig finnst þér þessi grein? Skráðu þig inn til að kjósa.

Athugasemdir (1)

Skráðu þig inn til að skrifa athugasemd eða kjósa.
  • Sigurður Þórarinsson skrifaði
    Það sem hr. Illugi virðist ekki skilja, ekki frekar en aðrir ,,frjálsir" fjölmiðlamenn ,,siðaðra" vesturvelda... er tjáð sig hafa um þessi mál, er hvernig þetta allt horfir fyrir Rússaveldi:

    https://www.counterpunch. org/2022/01/19/ready-for-another-game-of-russian-roulette/
    -1
Allar athugasemdir eru ábyrgð á þeirra sem þær skrifa. Heimildin áskilur sér rétt til að fjarlægja ærumeiðandi og óviðeigandi athugasemdir. Hægt er að láta vita af athugasemdum með því að smella á Tilkynna.
Tengdar greinar

Flækjusagan

Tvíkynja hérar tákn páska — og Maríu guðsmóður líka?
Flækjusagan

Tví­kynja hér­ar tákn páska — og Maríu guðs­móð­ur líka?

„Af hverju er kan­ín­ur, nú eða frænd­ur þeirra hér­ar, tákn pásk­anna?“ Svar­ið við þeirri spurn­ingu er í aðra rönd­ina mjög ein­falt. Pásk­arn­ir eru í grunn­inn vor­há­tíð sem hald­in er til að fagna því að líf er að kvikna í jörð­inni eft­ir (mis)lang­an vet­ur. Í krist­inni trú er það túlk­að með dauða en síð­an upprisu guðs­son­ar­ins. En líf kvikn­ar ekki að­eins...

Mest lesið

Ráðning stjórnanda til MAST vekur athygli: „Ég er fagmaður"
2
FréttirLaxeldi

Ráðn­ing stjórn­anda til MAST vek­ur at­hygli: „Ég er fag­mað­ur"

MAST til­kynnti starfs­mönn­um sín­um um það á mið­viku­dag­inn að bú­ið væri að ráða Þor­leif Ág­ústs­son sem nýj­an sviðs­stjóra yf­ir með­al ann­ars fisk­eld­is­deild­ina hjá stofn­un­ina. Þor­leif­ur hef­ur skrif­að grein­ar þar sem hann tal­ar fyr­ir lax­eldi í sjókví­um. Þor­leif­ur seg­ist vera vís­inda­mað­ur og að hann taki ekki af­stöðu. For­stjóri MAST, Hrönn Jó­hann­es­dótt­ir vill ekki ræða um ráðn­ing­una þeg­ar eft­ir því er leit­að.
Ríkisstjórnin vill gefa kvótann í laxeldinu um aldur og ævi
3
FréttirLaxeldi

Rík­is­stjórn­in vill gefa kvót­ann í lax­eld­inu um ald­ur og ævi

Í frum­varpi mat­væla­ráð­herra um lagar­eldi er kveð­ið á um að lax­eld­is­fyr­ir­tæk­in í land­inu hafi „ótíma­bund­in“ rekstr­ar­leyfi til að stunda sjókvía­eldi í ís­lensk­um fjörð­um. Hing­að til hafa rekstr­ar­leyf­in ver­ið tíma­bund­in í 16 ár. Með þessu ákvæði munu stjórn­völd á Ís­landi ekki geta bann­að sjókvía­eldi án þess að baka sér skaða­bóta­skyldu gagn­vart lax­eld­is­fyr­ir­tækj­un­um.
Þórður Snær Júlíusson
4
Leiðari

Þórður Snær Júlíusson

Hand­bók um leið­ir til að þykj­ast sið­leg­ur ráð­herra

Á Ís­landi er við lýði reglu­verk sem á að koma í veg fyr­ir spill­ingu ráð­herra og auka traust á stjórn­sýslu. Ný­lega var gef­in út hand­bók með út­skýr­ing­um á regl­un­um með raun­hæf­um dæm­um. Raun­veru­leik­inn sýn­ir hins veg­ar að ráð­herr­ar láta þetta ekki hafa áhrif á hegð­un sína. Regl­urn­ar gilda bara þeg­ar það reyn­ir ekki á þær.
Kostnaður við árshátíð fram úr skattfrelsi: „Ekki einhver trylltur glamúr“
8
Viðskipti

Kostn­að­ur við árs­há­tíð fram úr skatt­frelsi: „Ekki ein­hver tryllt­ur glamúr“

Kostn­að­ur á hvern starfs­mann við árs­há­tíð Lands­virkj­un­ar fór fram úr skatt­frjáls­um kostn­aði um 34 til 230 þús­und á mann, eft­ir því hvernig á það er lit­ið, og gæti starfs­fólk­ið því þurft að greiða skatt af þeim krón­um. Lands­virkj­un ætl­ar, að sögn upp­lýs­inga­full­trúa, að fara að lög­um og regl­um um skatt­skil en gef­ur ekki uppi hvernig upp­gjör­inu er hátt­að gagn­vart starfs­fólk­inu.
Öryrkjar borga fyrir kjarasamninga og tugir milljarða settir í borgarlínu
9
GreiningFjármálaáætlun 2025-2029

Ör­yrkj­ar borga fyr­ir kjara­samn­inga og tug­ir millj­arða sett­ir í borg­ar­línu

Rík­is­sjóð­ur verð­ur rek­inn í halla í næst­um ára­tug sam­fleytt áð­ur en við­snún­ing­ur næst. Til að fjár­magna tug­millj­arða króna út­gjöld vegna Grinda­vík­ur og kjara­samn­inga á með­al ann­ars að fresta greiðsl­um til ör­orku­líf­eyri­s­kerf­is­ins, selja eign­ir fyr­ir tugi millj­arða króna og lækka fram­lög í vara­sjóð. Fram­kvæmd­um sem áð­ur hef­ur ver­ið frest­að er frest­að á ný en pen­ing­ar sett­ir í nýja þjóð­ar­höll og tug­ir millj­arða króna verða til­tæk­ir í borg­ar­línu og tengd verk­efni. Vaxta­byrð­in á rík­is­sjóði verð­ur þó þung. Á næsta ári mun hann borga 121 millj­arð króna í slíka.

Mest lesið

Mest lesið í vikunni

Ráðning stjórnanda til MAST vekur athygli: „Ég er fagmaður"
5
FréttirLaxeldi

Ráðn­ing stjórn­anda til MAST vek­ur at­hygli: „Ég er fag­mað­ur"

MAST til­kynnti starfs­mönn­um sín­um um það á mið­viku­dag­inn að bú­ið væri að ráða Þor­leif Ág­ústs­son sem nýj­an sviðs­stjóra yf­ir með­al ann­ars fisk­eld­is­deild­ina hjá stofn­un­ina. Þor­leif­ur hef­ur skrif­að grein­ar þar sem hann tal­ar fyr­ir lax­eldi í sjókví­um. Þor­leif­ur seg­ist vera vís­inda­mað­ur og að hann taki ekki af­stöðu. For­stjóri MAST, Hrönn Jó­hann­es­dótt­ir vill ekki ræða um ráðn­ing­una þeg­ar eft­ir því er leit­að.
Jón Gnarr segir að ísraelskir landnemar í Palestínu þurfi að hypja sig
7
FréttirForsetakosningar 2024

Jón Gn­arr seg­ir að ísra­elsk­ir land­nem­ar í Palestínu þurfi að hypja sig

Jón Gn­arr lýs­ir yf­ir harðri and­stöðu við stríð­ið í Palestínu í ný­legu við­tali í hlað­varp­inu Vakt­inn. Hann vill taf­ar­laust vopna­hlé, póli­tíska end­ur­nýj­un í Ísra­el og að land­töku­byggð­ir Ísra­els í Palestínu verði lagð­ar nið­ur. „Það þarf bara að jafna þetta við jörðu og segja þessu liði að hypja sig.“
Það er búið að einkavæða hafið og færa örfáum á silfurfati
8
Allt af létta

Það er bú­ið að einka­væða haf­ið og færa ör­fá­um á silf­urfati

Kjart­an Páll Sveins­son, formað­ur Strand­veiði­fé­lags­ins, elsk­ar haf­ið út af líf­inu, eins og hann orð­ar það, og vill ekki að það sé tek­ið af hon­um eða öðr­um Ís­lend­ing­um. Hann seg­ir haf­ið hafa ver­ið tek­ið af þjóð­inni, einka­vætt og fært ör­fá­um á silf­urfati. Hann vill að strand­veiði fái stærri hluta úr pott­in­um og pott­ur­inn fyr­ir aðra en kvótakónga stækki.
Sigríður Hrund greiddi fyrir viðtal á NBC – Verðið trúnaðarmál
10
FréttirForsetakosningar 2024

Sig­ríð­ur Hrund greiddi fyr­ir við­tal á NBC – Verð­ið trún­að­ar­mál

Sig­ríð­ur Hrund Pét­urs­dótt­ur for­setafram­bjóð­andi greiddi ásamt nokkr­um öðr­um kon­um fyr­ir birt­ingu við­tals við hana hjá banda­ríska fjöl­miðl­in­um NBC en verð­ið er trún­að­ar­mál. Hún seg­ist hafa vilj­að grípa tæki­fær­ið til þess að benda á það hve op­ið fram­boðs­ferl­ið er á Ís­landi og til þess að sýna að venju­leg kona gæti boð­ið sig fram til for­seta.

Mest lesið í mánuðinum

Læstur inni í íbúðinni sinni í fimmtán ár
1
Viðtal

Læst­ur inni í íbúð­inni sinni í fimmtán ár

Sveinn Bjarna­son bjó í fimmtán ár í læstri íbúð á veg­um Ak­ur­eyr­ar­bæj­ar. Hann bank­aði oft ít­rek­að og grét áð­ur en starfs­fólk opn­aði fyr­ir hon­um. Móð­ir hans gerði end­ur­tekn­ar at­huga­semd­ir við að hann væri læst­ur inni og seg­ir son sinn hafa ver­ið van­rækt­an. Fyrr á þessu ári greip hún til þess ör­þrifa­ráðs að flytja hann bú­ferl­um í ann­an lands­hluta til að fá mann­sæm­andi að­bún­að fyr­ir hann. Mál Sveins varp­ar ljósi á al­var­leg­ar brota­lam­ir í þjón­ustu við fatl­að fólk á Ís­landi og sýn­ir hvernig mann­rétt­indi hafa ver­ið virt að vett­ugi ár­um sam­an.
Eina leiðin til að halda lífinu áfram var að koma út
3
ViðtalForsetakosningar 2024

Eina leið­in til að halda líf­inu áfram var að koma út

Bald­ur Þór­halls­son bældi nið­ur eig­in kyn­hneigð frá barns­aldri og fannst hann ekki geta ver­ið hann sjálf­ur. Fyr­ir 28 ár­um tók hann ákvörð­un um að koma út úr skápn­um, það var ekki ann­að í boði ef hann ætl­aði að halda áfram með líf­ið. Nú stefna þeir Fel­ix Bergs­son á Bessastaði. „Við eig­um 28 ára ást­ríkt sam­band að baki og höf­um ekk­ert að fela,“ seg­ir Fel­ix.
Nýjar ógnir blasa við Íslendingum
4
Úttekt

Nýj­ar ógn­ir blasa við Ís­lend­ing­um

Ís­land get­ur orð­ið skot­mark í styrj­öld sem veik­asti hlekk­ur­inn í varn­ar­keðju Vest­ur­landa. Don­ald Trump hafn­ar skuld­bind­ingu Banda­ríkj­anna til að verja NATO-ríki sem borga ekki sinn skerf, en Ís­land er lengst frá því af öll­um. Ingi­björg Sól­rún Gísla­dótt­ir, fyrr­ver­andi ut­an­rík­is­ráð­herra, seg­ir varn­ar­samn­ing­inn við Banda­rík­in hafa „af­skap­lega tak­mark­að gildi“.
„Ég ætla ekki að kinka kolli framan í einhver illmenni án þess að segja neitt“
6
ViðtalForsetakosningar 2024

„Ég ætla ekki að kinka kolli fram­an í ein­hver ill­menni án þess að segja neitt“

Jón Gn­arr er kom­inn í for­setafram­boð. Hann seg­ir meiri þörf á gleði og húm­or í lýð­ræð­inu og sam­fé­lag­inu þar sem of­fram­boð sé á leið­ind­um og er sann­færð­ur um að þjóð­in sé að leita sér að mann­eskju sem hún geti séð sjálfa sig í. Jón ætl­ar sér að mýkja freka kall­inn með kær­leik­ann að vopni og lof­ar að vera hvorki of­stopa­mann­eskja né lydda, nái hann kjöri. Svo hef­ur hann alltaf dreymt um að búa í Garða­bæ.
Hjúkrunarheimilið Sóltún fékk 20 milljarða frá íslenska ríkinu
7
Fréttir

Hjúkr­un­ar­heim­il­ið Sól­tún fékk 20 millj­arða frá ís­lenska rík­inu

Frá ár­inu 2009 hef­ur hjúkr­un­ar­heim­il­ið Sól­tún feng­ið tæp­lega 20 millj­arða króna frá ís­lenskra rík­inu. Um 90 pró­sent af tekj­um Sól­túns koma frá rík­inu. Eig­end­urn­ir hafa tek­ið á þriðja millj­arð króna út úr rekstr­in­um með því að selja fast­eign­ir og lóð­ir og lækka hluta­fé fyr­ir­tæk­is­ins. All­ur rekst­ur­inn bygg­ir hins veg­ar á um­deild­um samn­ingi við ís­lenska rík­ið sem gerð­ur var ár­ið 2000.
Risar í landbúnaði orðnir að fríríki og geta stýrt verði eins og þeim sýnist
8
Rannsókn

Ris­ar í land­bún­aði orðn­ir að fríríki og geta stýrt verði eins og þeim sýn­ist

Laga­breyt­ing sem var fyr­ir einu og hálfu ári köll­uð „að­för að neyt­end­um“ var sam­þykkt á Al­þingi í lok síð­ustu viku með at­kvæð­um minni­hluta þing­manna. Um er að ræða af­nám á ólög­mætu sam­ráði stærstu land­bún­að­ar­fyr­ir­tækja lands­ins. Laga­breyt­ing­unni var laum­að inn í frum­varp á loka­metr­um af­greiðslu þess með mik­illi að­komu þeirra sem mest græða á henni.
Halla nú ósammála mörgu sem hún beitti sér fyrir sem framkvæmdastjóri Viðskiptaráðs
10
FréttirForsetakosningar 2024

Halla nú ósam­mála mörgu sem hún beitti sér fyr­ir sem fram­kvæmda­stjóri Við­skipta­ráðs

Ár­ið 2007 mælti Halla Tóm­as­dótt­ir, sem þá var fram­kvæmda­stjóri Við­skipta­ráðs, fyr­ir breyt­ing­um til þess að Ís­land gæti orð­ið „best í heimi.“ Þar á með­al var að setja á flata og lága skatta, einka­væða há­skóla og heil­brigðis­kerfi, einka­væða nátt­úru­auð­lind­ir og stór­auka ensku­kennslu. Heim­ild­in kann­aði hver við­horf Höllu væru til mála­flokk­anna í dag.

Mest lesið í mánuðinum

Nýtt efni

Mest lesið undanfarið ár