Annar hver Íslend­ingur varð var við rangar upp­lýs­ingar eða fals­fréttir í aðdrag­anda síð­ustu þing­kosn­inga, ef marka má nið­ur­stöður rann­sóknar sem Fjöl­miðla­nefnd lét fram­kvæma. Ellefu pró­sent þátt­tak­enda í könnun stofn­un­ar­innar sagð­ist hafa orðið var við slíkt oft á dag síð­ustu þrjá­tíu dag­ana fyrir kosn­ingar. Helm­ingur þeirra sem sagð­ist hafa orðið var við fals­fréttir eða rangar upp­lýs­ingar taldi ein­hvern stjórn­mála­flokk bera ábyrgð á vit­leys­unni.

Þegar rýnt er í svör við könnun Fjöl­miðla­nefndar kemur þó fljótt í ljós að mik­ill munur er á skiln­ingi fólks hvað séu rangar upp­lýs­ingar eða fals­fréttir. Þátt­tak­endur fengu tæki­færi til að skrifa eigin svör við spurn­ingu um hvaða upp­lýs­ingar eða fréttir það voru sem þau urðu vör við „Ásmundur Einar Daðason er ekki Guð“, „Blaðrið í Gunnari Smára“, „Fjöl­miðlar fela sann­leik­ann sam­an­ber RÚV“ og „Fylgi flokka“.

„Af svörum þeirra sem töldu sig hafa séð rangar upp­lýs­ingar eða fals­fréttir má …