„Þessi bók er um konu sem er búin að gef­ast upp á að hafa til­finn­ingar. Hún á mikið líf að baki og er orðin ráfari. Hún ráfar um og horfir á annað fólk og skrá­setur atferli þess,“ segir Auður Jóns­dóttir rit­höf­undur um sitt nýjasta verk, Allir fuglar fljúga í ljósið.

Bókin er um Björt sem eins og Auður segir er ráfari. Björt er í stop­ulli íhlaupa­vinnu. Hún leigir her­bergi í heldur hrör­legu hús­næði en flest í hennar lífi er þó í föstum skorðum, allt þar til hún sér konu að nafni Ólöf Brá og fær síðan bréf frá henni. „Við það riðl­ast til­veran og lífs­saga Bjartar brýst fram; vin­áttan við Veru, eitruð sam­bönd við Stein­grím og Hálfdán – og smám saman flett­ist ofan af hinni ótrú­legu og dramat­ísku ævi hennar,“ segir í kynn­ingu á bók­inni.

Auður segir að Björt viti að hún geti …