Fólki búsettu hér á landi fjölgaði um 3.920 manns á tímabilinu 1. desember 2020 til 1. ágúst síðastliðinn. Á sama tíma fækkaði íbúum þó í 24 sveitarfélögum af 69. Þar af fækkaði íbúum í 16 sveitarfélögum þar sem fjöldi íbúa er undir eitt þúsund manns. Í sveitarstjórnarlögum segir að stefna skuli að því að lágmarksíbúafjöldi sveitarfélags sé ekki undir eitt þúsund.

Fámennari sveitarfélögin á landinu eru þau sveitarfélög sem hafa hlutfallslega langhæstan hluta tekna sinna úr Jöfnunarsjóði sveitarfélaga. Þannig hafði Skagabyggð í Austur-Húnavatnssýslu tæplega 60 prósent tekna sinna úr Jöfnunarsjóði árið 2019. Akrahreppur í Skagafirði fékk því sem næst helming sinna tekna úr Jöfnunarsjóði sama ár og hið sama má segja um Súðavíkurhrepp á Vestfjörðum. Fjölmennari sveitarfélög bera hins vegar mun minna úr býtum í framlögum frá sjóðnum.

Í nýjum tölum Þjóðskrár Íslands kemur fram að íbúum í öllum landshlutum hafi fjölgað á fyrrgreindu tímabili. Mest fjölgaði íbúum á höfuðborgarsvæðinu, …