Mikið atvinnu­leysi í Evr­ópu­sam­bands­lönd­unum Ítalíu og Spáni er algjör­lega heima­til­bú­inn vandi að sögn pró­fess­ors í Evr­ópu­rétti við Háskóla Íslands. Maria Elvira Méndes Pinedo er spænsk-íslenskur pró­fessor hjá Háskóla Íslands og kennir og rann­sakar ESB og EES ásamt alþjóð­legum efna­hags­rétti. Hún segir stöðu neyt­enda á Íslandi styrkj­ast veru­lega gagn­vart efna­hags­kerf­inu gangi Íslend­ingar inn í ESB. Hún segir áhyggjur Íslend­inga af því að þeir hverfi í hít­ina með fáa þing­menn innan ESB rétt­mætar. Þar muni reyna á fag­mennsku Íslend­inga til þess að koma á banda­lögum við öfl­uga sam­herja við það að verja hags­muni og sjón­ar­mið íslensku þjóð­ar­innar. Hún segir það þó óhjá­kvæmi­lega styrkja stöðu Íslend­inga að eiga sæti við borðið þegar reglur og lög eru sett innan efna­hags­banda­lags­ins.

„En að sjálf­sögðu, ef Íslend­ingar vinna ekki sína heima­vinnu fyrir slíkt þing, ef þeir senda fjöl­skyldu­með­lim sem er van­hæfur, er hætt við að þeir nái ekki mark­miðum Íslend­inga í gegnum Evr­ópu­stofn­anir,“ áréttar hún.

Heimatilbúinn …