Íslenska lögregluforlagið harmar að fyrirtæki, sveitarfélög og samtök hafi verið skráð stuðningsaðilar auglýsingar Félags íslenskra fíkniefnalögreglumanna að þeim forspurðum. Þetta kemur fram í yfirlýsingu sem fyrirtækið, sem hafði milligöngu um að afla styrkja og stuðnings við auglýsinguna, sendi frá sér í morgun. 

Lögreglustjóri sem styrkt hefur fjársöfnun í gegnum forlagið gagnrýnir að stærstur hluti styrksins hafi endað í rekstri fyrirtækisins. 

Óánægð með tóninn

Eitt félaganna sem sett var á lista hinna stuðningsríku var Rauði krossinn. Talsmaður hans sagði samtökin ekki einu sinni styðja skilaboðin sem birtust í auglýsingunni, hvað þá að samþykkt hafi verið að taka þátt í auglýsingunni. „Okkur finnst vera þarna þessi hræðsluáróðurstónn sem við styðjum ekki,“ sagði Gunnlaugur Bragi Björnsson, upplýsingafulltrúi Rauða Krossins, í samtali við Vísi. 

Í yfirlýsingu lögregluforlagsins segir líka að forlaginu hafi borist athugasemdir frá aðilum sem styrktu auglýsinguna um að þeim hafi ekki verið gert ljóst hvaða texti yrði hafður í henni. Sigríður …