Innan við helmingur þess sem safnast hefur fyrir Félag íslenskra fíkniefnalögreglumanna, eða FÍFL, og tvenn önnur samtök lögreglumanna rennur sem styrkur til þessara félaga. Um það bil tíu milljónir fara í launakostnað starfsmanna útgáfufélagsins sem tekur að sér fjársöfnunina. Þetta staðfestir Óskar Bjartmarz, framkvæmdastjóri Íslenska lögregluforlagsins og fyrrverandi yfirlögregluþjónn.

Auglýsing félagsins sem birtist í Morgunblaðinu síðastliðinn fimmtudag hefur vakið athygli. Ekki síst þeirra sem skrifaðir voru stuðningsaðilar skilaboðanna sem í henni birtust, sem beindust gegn kannabisneyslu. Bæði Blaðamannafélag Íslands og Rauði krossinn hafa gert athugasemdir við auglýsinguna og hvernig að henni var staðið en formaður blaðamannafélagsins segir í samtali við Vísi að Félag íslenskra fíkniefnalögreglumanna hafi blekkt blaðamenn til þátttöku í „umdeildri fíkniefna auglýsingu“. Rauði Krossinn segir FÍFL hafa notað nafn Rauða Krossins á Íslandi án samþykkis. 

Auglýsingin umdeilda

„Fólk sem tekur þátt í auglýsingunni er að styrkja skilaboðin og styrkja Félag íslenskra fíkniefnalögreglumanna sem stendur á bakvið hana í …