Korta­velta erlendra ferða­manna í maí mán­uði var 95 pró­sentum hærri en í maí í fyrra. Nam hún 6,5 pró­sentum af allri korta­veltu í land­inu og er það aukn­ing um 2,5 pró­sentu­stig frá fyrri mán­uði, apríl. Í maí árið 2019, áður en kór­ónu­veiru­far­ald­ur­inn hófst, nam erlend korta­velta hins vegar 22,3 pró­sentum af heilda­korta­veltu.

Þetta kemur fram í nýjum tölum frá Rann­sókn­ar­setri versl­un­ar­innar. Alls nam erlend korta­velta í maí um 5,6 millj­örðum króna. Erlendir ferða­menn eyddu mestu í „ýmsa ferða­þjón­ustu“, alls rúmum 1,3 millj­örðum króna. Þar á eftir kemur verslun en erlendir ferða­menn eyddu tæpum 1,1 millj­arði í versl­unum í liðnum mán­uði. Þá keyptu erlendir ferða­menn gist­ingu fyrir 760 millj­ónir króna.

Erlendir ferða­menn frá Banda­ríkj­unum voru að baki ríf­lega þriðj­ungi allrar erlendrar korta­veltu í maí. Næstir þeim komu Þjóð­verjar sem bera ábyrgð á 7 pró­sentum og Bretar 6,5 pró­sentum.

Heild greiðslu­korta­veltu í maí var 86,3 millj­arðar króna og jókst hún um 23 pró­sent milli mán­aða. Þá var hún 15,7 pró­sent meiri en á sama tíma í fyrra. Korta­velta Íslend­inga var 10 pró­sent hærri í maí síð­ast­liðnum en í maí í fyrra. Meðal þess sem hefur auk­ist veru­lega eru kaup Íslend­ingar á inn­lendri gisti­þjón­ustu en inn­lend korta­velta gisti­staða nam rúmum einum millj­arði í maí, borið saman við tæp­lega 600 millj­ónir í maí í fyrra. Þó er bent á að verð­hækk­anir geti átt þátt í aukn­ing­unni þar sem ekki sé um sömu til­boð að ræða í ár og var í fyrra. Aukn­ingin er að mestu í net­verslun sem sam­kvæmt Rann­sókn­ar­setri versl­un­ar­innar bendir til að Íslend­ingar séu að kaupa ferðir fram í tím­ann og ætli sér að ferð­ast inn­an­lands í sumar.  

Hvað varðar verslun þá má nú merkja sam­drátt í áfeng­is­sölu í Vín­búð­unum, eftir að hún hafði auk­ist veru­lega í kór­óna­veiru­far­aldr­inum. Í apríl síð­ast­liðnum varð 7,8 pró­senta sam­dráttur frá apríl árið 2020 og 8,4 pró­senta sam­dráttur í maí borið saman við maí í fyrra.