Íslandsdeild nasistasamtakanna Norrænu andstöðuhreyfingarinnar hefur hætt með .is-lén og tekið upp .net-lén í kjölfarið á nýrri lagasetningu frá Alþingi. Þetta kemur fram á heimasíðu Íslandsdeildarinnar Nordurvigi.net. „Íslandsarmur Norrænu mótstöðuhreyfingarinnar þurfti nauðsynlega að breyta léni vefsíðunnar nordurvigi.is yfir í nordurvigi.net núna á sunnudaginn,“ segir í fréttinni og þar sem fram kemur að heimasíðu hreyfingarinnar hafi einfaldlega verið lokað.  

Nýju lögin voru samþykkt á Alþingi þann 18. maí og kynnti ríkisstjórnin þau á heimasíðu sinni þann 20. maí. Um er að ræða lagafrumvarp Sigurðar Inga Jóhannssonar, samgöngu- og sveitastjórnarráðherra, um íslensk landshöfuðlén með .is-endingunni.  

Um nýju lögin sagði Sigurður Ingi Jóhannsson í tilkynningu ríkisstjórnarinnar: „Miðað við mikilvægi netsins í nútímasamfélagi var ærið tilefni til að setja lagalega umgjörð um landshöfuðlén sem hafa beina skírskotun til Íslands. Við samningu laganna var einkum litið til öryggissjónarmiða og var það …