Streymi Upplýsingafundir um Covid-19

Til skoðunar að fá bóluefni lánað frá Dönum og Norðmönnum

Danir og Norðmenn hafa hætt notkun á bólefnum Jansen og AstraZeneca en viðræður eru uppi um að Íslendingar fái birgðir þeirra bóluefna lánaðar frá löndunum tveimur. Þetta sagði Þórólfur Guðnason sóttvarnarlæknir á upplýsingafundi um stöðu Covid-19.

Deila

Efnisorð

Covid-19

Freyr Rögnvaldsson

Bólusetningar gegn Covid-19 ganga vel hér á landi og útlit er fyrir að 60 til 70 prósent almennings verði bólusett í júní eða júlí. Með því næðis hjarðónæmi í landinu. Til skoðunar er að fá bóluefni lánað frá Noregi og Danmörku, en báðar þjóðir hafa hætt notkun bólefna Jansen og AstraZeneca. Það hafa Íslendingar ekki gert og sagði Þórólfur Guðnason sóttvarnarlæknir á upplýsingafundi að viðræður væru í gangi um að fá aðgang að birgðum þjóðanna tveggja.

Í ljósi þess hversu vel bólusetning gengur þarf ekki að hafa miklar áhyggjur af því að upp komi stórar hópsýkingar sem ekki verði ráðið við, sagði Þórólfur jafnframt á fundinum. Hann lét þau orð falla í því samhengi að ferðamönnum færi nú ört fjölgandi hér á landi. Það væri áskorun varðandi skimun á landamærunum en ætti ekki að valda hættu á tíðari sýkingum innanlands, í ljósi bólusetninga.

Lýsingu lokið Nýjasta færsla kl. 11:23

11:23 12. maí

Mögulegt að fá meira bóluefni lánað

Til skoðunar er að fá lánaðar birgðir bóluefna frá Norðmönnum og Dönum, en báðar þjóðir hafa hætt notkun AstraZeneca og Jansen. Ekkert sé þó orðið ljóst í þeim efnum segir Þórólfur.

11:21 12. maí

Enn lítið vitað um indverska afbrigðið

Þrjú undirafbrigði hafa greinst af svokölluðu indversku afbrigði. Þórólfur segir að lítið sé vitað um indverska afbrigðið, enn eigi eftir að afla frekari upplýsinga um það. En búast má við að það verði ráðandi í ýmsum löndum í kringum okkur. Talið er að afbrigðið sé meira smitandi en önnur og ekki er vitað hvort að það sé á einhvern hátt ónæmara fyrir bólusetningum en önnur afbrigði.

11:19 12. maí

Bólusetningar komi í veg fyrir stórar hópsýkingar

Þórólfur segir ekki ástæðu til að hafa áhyggjur af því að upp komi stórar hópsýkingar hér á landi, þrátt fyrir afléttingu á takmörkunum. Í júní eða júlí mánuðum verði búið að bólusetja 60 til 70 prósent almennings sem ætti að koma í veg fyrir slíkar sýkingar.

11:16 12. maí

Ekki byrjað að bólusetja tilviljanakennt

Spurður hvort byrjað sé að bólusetja tilviljanakennt segir Þórólfur að svo sé ekki enn sem komið er. Verið er að klára að bólusetja fólk með undirliggjandi sjúkdóma, grunn- og leikskólakennara, fólk í félagsþjónustu og foreldra langveikra barna.

11:15 12. maí

Hvetur fólk til að sækja rakningarappið

Alma Möller hvetur fólk til að sækja smitrakningarappið Rakningu í símana sína en nú hefur það verið uppfært og byggir á Bluetooth-tengingu milli síma. Það mun auðvelda smitrakningu og telur Alma hana sérstaklega mikilvæga í ljósi þess að létta eigi á takmörkunum. Appið sé öruggt og persónuverndarsjónarmiða sé gætt.

11:12 12. maí

Fjölgun ferðamanna ætti ekki að vera áhyggjuefni

Þórólfur segir að framundan sé mikil aukning á komum ferðamanna til landsins og líkur eru á að gera þurfi breytingar á skimun á landamærunum til að mæta því. Bólusetningar ganga hins vegar vel og líkur eru til að þær verði það langt komnar að ekki þurfi að hafa stórfelldar áhyggjur af smitum innanlands vegna komu aukins fjölda ferðamanna. Framundan séu frekari tilslakanir á sóttvarnarreglum en Þórólfur minnir á mikilvægi þess að gæta að persónubundnum sóttvörnum.

11:09 12. maí

Tveir greinst með indverska afbrigðið

Smitum hefur fækkað á landamærunum að undanförnu og telur Þórólfur það mögulega vegna hertra aðgerða. Tveir hafa greinst með inverskt afbrigði veirunnar en flestir sem hafa greinst þar hafa verið með breska afbrigðið.

11:08 12. maí

Tveir á spítala

Tveir liggja á Landspítala, annar á gjörgæsludeild en ekki í öndunarvél.

11:07 12. maí

Þjrú smit í gær

Ekki þarf að vera hissa eða stressaður þrátt fyrir að eitt og eitt smit greinist næstu daga, jafnvel utan sóttkvíar, segir Víðir Reynisson. Þrjú smit greindust í gær, þar af einn utan sóttkvíar. Ríflega 1.400 sýni voru tekin í gær. Síðastliðna viku greindust 26 með Covid-19 og þar af voru 7 utan sóttkvíar, segir Þórólfur Guðnason.

Kjósa

Hvernig finnst þér þessi grein? Skráðu þig inn til að kjósa.

Deila

Efnisorð

Covid-19

Athugasemdir (1)

Skráðu þig inn til að skrifa athugasemd eða kjósa.

SBB

Snæbjörn Björnsson Birnir skrifaði
12. maí 2021 21:19

Norðmenn hafa reyndar ekki alveg hætt við Jansen. Þeir hafa tekið það út úr bólusetningaráætlun, en það er enn í boði fyrir þá sem vilja.

0

Allar athugasemdir eru ábyrgð á þeirra sem þær skrifa. Heimildin áskilur sér rétt til að fjarlægja ærumeiðandi og óviðeigandi athugasemdir. Hægt er að láta vita af athugasemdum með því að smella á Tilkynna.

Tengdar greinar