Hlekkur á þraut gærdagzins.

***

Fyrri auka­spurn­ing:

Í hvaða kvik­mynd kemur við sögu sú ein­kenni­lega útför sem sést á skjá­skot­inu hér að ofan?

***

Aðal­spurn­ingar:

1.   St. Pét­urs­borg stendur í óshólmum fljóts nokk­urs. Hvað heitir það fljót?

2.   Hver stofn­aði borg­ina?

3.   Skipt var um nafn á borg­inni þann 1. sept­em­ber 1914. Hvað var hið nýja nafn hennar?

4.   „Shahadah“ er hann kall­aður, eiður sá sem múslimar hafa gjarnan á vör­unum, og er ein af þeim fimm stoðum sem íslams­trú hvílir á. Enginn getur talist múslimi nema hann geti farið með eið­inn af ein­lægu hjarta og heilum hug. En hver er eið­ur­inn?

5.   Hver var kon­ungur í Galíleu á síð­ari hluta ævi Jesúa frá Nasaret?

6.   Sá kóngur er frægur fyrir að hafa látið háls­höggva Jóhannes skír­ara að beiðni dans­stúlku einnar. Hvað hét hún?

7.   Ein fræg­asta ball­ería 20. aldar fædd­ist árið 1919 á Englandi og var í þann veg­inn að setj­ast í helgan stein um fer­tugt. Þá flúði ungur ball­et­dans­ari frá Sov­ét­ríkj­unum vestur á bóg­inn og ball­er­ínan okkar stóðst ekki mátið að dansa við hann, svo hún hætti ekki að fullu að dansa fyrr en hún var komin undir sex­tugt. Hvað hét hún?

8.   En hvað hét dans­ar­inn ungi frá Sov­ét­ríkj­unum?

9.   Hver var frægur fyrir að leita að Livingstone?

10.   „Gallus gallus“ er lat­neska fræði­heitið á fugli einum sem lifir villtur um Suð­austur-Asíu og Indland. Afkom­andi þess fugls hefur verið tam­inn fyrir löngu og þykir nú eitt gagn­leg­asta hús­dýr manns­ins. Hvað heitir „gallus gallus domesticus“ á íslensku?

***

Seinni auka­spurn­ing:

Hver er ungi mað­ur­inn á mynd­inni hér að neðan?

***

Svör við aðal­spurn­ingum:

1.   Neva.

2.   Pétur mikli keis­ari.

3.   Petr­ograd.

4.   Í hinni form­legu mynd sinni er eið­ur­inn nokkurn veg­inn svona: „Ég votta að eng­inn á skilið lotn­ingu nema guð, og ég votta að Múhameð er sendi­boði guðs.“ — En aðeins styttri útgáfur telj­ast hér réttar, til dæmis „Enginn er guð nema Allah, og Múhameð er spá­maður hans.“ Merk­ingin verður þó að vera rétt og bæði guð (Allah) og Múhameð vera nefndir til sögu.

5.   Heródes.

6.   Salóme.

7.   Margot Fonteyn.

8.   Rudolf Nureév.

9.   Stanley.

10.   Hænsni.

***

Svör við auka­spurn­ingum.

Aldrei þessu vant er ekki nauð­syn­legt að vita nafnið, sjálft nafnið, á kvik­mynd­inni sem spurt var í fyrri auka­spurn­ingu. Það dugar að vita að þetta var fram­haldið af hinni vin­sælu tón­list­ar­mynd Stuð­manna og fleiri, Með allt á hreinu. En myndin hét Í takt við tím­ann.

Á seinni mynd­inni hjá sjá David Bowie. Sjá enn­fremur hér!

***

Hlekkur á þraut gær­dags­ins.