Hamingjan er ferðalag

Anna Guðný Guðmundsdóttir píanóleikari

„Ham­ingjan er eins og hlýtt hreiður í brjóst­inu. Minn­ingar þar sem þú gafst af þér; þar sem þér var gefið. Þegar þú hvíldir í náð hins æðsta.

Leiftur úr æsku; að reka kýrnar út í Salt­höfða, leggj­ast milli þúfna og horfa á skýin, naga strá, spila Bach á fót­s­tigna org­elið. Fá að sjá heim­inn, þvæl­ast um ókunnar slóðir í sól­skini með bak­poka, verða ást­fangin, eign­ast fjöl­skyldu, sjá börnin vaxa. Og allt í einu toga litlir fingur:  Amma, komdu að kubba. Finna aftur ilm af ung­barni. Hjóla á nagla­dekkjum í sund, heitur pottur, kaldur pottur, stjörn­u­rnar fyrir ofan gufustrók­ana. Læða lófa í annan, gam­al­kunnan, hlýjan, traustan.“

Mynd: b'Dan\xc3\xadel Starra­son'

Embla Eir Oddsdóttir, forstöðumaður Norðurslóðanets Íslands

„Hérna áður fyrr stóð ég í þeirri trú að ham­ingjan væri áfanga­staður en það er orðið langt síðan ég gerði mér grein fyrir því að svo er ekki. Það fylgdi þeirri upp­ljómun ákveðið frelsi. Í mínum huga er ham­ingjan augna­blik sem verða til þegar þú gefur þér tíma til að staldra við og njóta. Það getur verið morg­un­kaffið á laug­ar­degi, þegar ég er að elda mat með syni mínum, kvöldsólin á Möðru­dalsör­æfum, vel unnið verk, hug­leiðsla, göngu­ferð á fjöllum eða með­fram sjónum eða góð bók. Ég held að það sé undir hverjum og einum komið að finna þessa litlu ham­ingju­vasa og nýta þá til að búa til innra jafn­vægi þannig að hægt sé að halda áfram að takast á við lífið og til­ver­una.“

Hólmfríður Garðarsdóttir, prófessor á Hugvísindasviði HÍ

„Ham­ingjan ræðst af verð­mæta­mati, við­miðum og reynslu. Hún mót­ast af við­horfum, svo sem trausti og þakk­læti til þess sem hver og einn telur jákvætt fyrir sjálfa(n) sig, umhverfi sitt og/eða sam­fé­lag. Hún mót­ast í öruggum aðstæðum. Öryggi barns­ins gagn­vart þeim sem ala því önn, unga fólks­ins frammi fyrir leið­bein­endum sínum og full­orðna fólks­ins til þeirra aðstæðna sem það býr við – hvort heldur eru félags­legar, fjár­hags­legar eða menn­ing­ar­legar. Orða­til­tækið „hafa skal það sem hendi er næst og hugsa ekki um það sem ekki fæst“ stuðlar að auknu æðru­leysi og virkar sem lóð á vog­ar­skál ham­ingj­unnar.“

Mynd: Heiða Helga­dóttir

Páll Palomares fiðluleikari

„Hamingja er sú vellíð­un­ar­til­finn­ing sem á sér stað þegar maður horfir á eitt­hvað sem manni þykir vera fal­legt, upp­lifir eitt­hvað sem snertir í manni hjartað eða fram­kvæmir eitt­hvað sem er manni ein­hvers virði. En ham­ingja er líka val, að velja að vilja vera ham­ingju­samur. Þeir sem kjósa þann lífs­hátt geta fundið fyrir ham­ingju út frá hinum minnstu hlutum og aðstæðum á meðan aðrir eiga kannski margt en finna sjaldan fyrir ham­ingj­unni. Því ham­ingja er í smá­hlut­unum, í ilm­inum sem maður finnur þegar maður vaknar við hlið­ina á mak­anum sem maður elskar, í fal­legu blómunum sem maður sér þegar fer að vora og í þakk­læt­inu sem maður fær frá mann­eskju sem maður hefur getað hjálpað.“

Mynd: Heiða Helga­dóttir

Pétur Gautur myndlistarmaður

„Ham­ingjan er vellíð­un­ar­til­finn­ing sem ég finn fyrir í öllum kroppnum þegar ég er sem ham­ingju­samastur. Hamingja fyrir mér er að vakna á morgn­ana og vera sáttur við sjálfan mig og alla í kringum mig. Vera vel kvæntur og vera ást­fang­inn upp fyrir haus. Eiga ynd­is­lega fjöl­skyldu. Og ynd­is­lega vini. Það er það sem skiptir mestu máli. Allt annað bliknar í sam­an­burði við það. Og þá skiptir engu máli hvað eða hvernig þið fjöl­skyldan og vinir gerið hlut­ina saman, stóra eða smáa. Bara að vera saman. Það er málið. Það er ham­ingja.“