Hér er hlekkur á þrautina frá í gær.
***
Aukaspurning sú hin fyrri:
Úr hvaða kvikmynd er skjáskotið hér að ofan?
***
Aðalspurningar:
1. Við hvaða þéttbýlisstað er Systrastapi?
2. Hver skrifaði skáldsöguna Moby Dick?
3. Hvaða fyrirbæri var Moby Dick?
4. Bandaríkjamaðurinn Alan Shepard varð annar maðurinn í sögunni til að gera ákveðinn hlut árið 1961. Hvað var það?
5. Kona nokkur fæddist á Sauðadalsá á Vatnsnesi 1857. Hún nam ljósmóðurfræði í Reykjavík og Kaupmannahöfn og bjó eftir það á Hlöðum í Hörgárdal en síðar á Akureyri og í Reykjavík síðustu árin, en hún dó 1933. Hún var skáldkona. Hvað hét hún? — og hér dugar skírnarnafn hennar.
6. Í borg einni er fræg gata. Tvær kenningar eru uppi um nafn götunnar. Önnur telur nafnið runnið af virkisgarði sem eitt sinn hafi legið þar sem gatan er nú. Hin kenningin telur götunafnið runnið frá því að þar hafi eitt sinn búið fólk frá ákveðnu héraði í Belgíu. Hvað heitir þessi gata?
7. Harold Wilson, Edward Heath og James Callaghan gegndu ákveðnu starfi í hálfan annan áratug. Hvaða starf var það?
8. Hvar er næsthæsti punktur Íslands á eftir Öræfajökli?
9. Hvað heitir skipið sem strandaði á dögunum í Súez-skurðinum?
10. Hvað hét barnabókahöfundurinn Nonni fullu nafni?
***
Aukaspurning sú hin seinni:
Á árunum upp úr 1960 hélt hljómsveit að nafni Joey Dee and the Starliters uppi fjörinu á skemmtistaðnum The Peppermint Lounge í New York. Á myndinni hér að neðan má sjá gítarleikara hljómsveitarinnar. Hvað heitir hann?
***
Svör við aðalspurningum:
1. Kirkjubæjarklaustur.
2. Melville.
3. Hvalur.
4. Fara út í geiminn.
5. Ólöf. Hún var reyndar Sigurðardóttir.
6. Wall Street (í New York). Íbúarnir sem gatan kann að vera kennd við eru Vallónar.
7. Forsætisráðherra Bretlands.
8. Bárðarbunga.
9. Ever Given.
10. Jón Sveinsson.
***
Svör við aukaspurningum:
Skjáskotið er úr kvikmyndinni Pscycho.
Gítarleikarinn er Joe Pesci sem haslaði sér völl sem kvikmyndaleikari.
***
Athugasemdir