Þessi grein birtist upphaflega í Stundinni fyrir meira en 4 árum.

Afmælistónleikar, rasismi og kosmísk myndlist

Tón­leik­ar, við­burð­ir og sýn­ing­ar 31. mars til 22. apríl.

Afmælistónleikar, rasismi og kosmísk myndlist

Margt er á döfinni í menningarlífinu næstu vikur. Athugið að tímasetningar gætu breyst með stuttum fyrirvara vegna sóttvarnaraðgerða og að áhorfendur þurfa að virða fjöldatakmarkanir og grímuskyldu.

Blindhæð

Hvar? Borgarbókasafnið Grófin
Hvenær? Til 11. apríl
Aðgangseyrir: Ókeypis!

Listaverkin á þessari sýningu vísa í persónulegar upplifanir fjögurra listamanna af rasisma og mismunun í Evrópu og skandinavísku samhengi. Viðfangsefnið er skoðað út frá reynsluheimi listafólksins, sem bjóða áhorfandanum upp á leiðir til að horfast í augu við eigin fordóma frá ólíkum sjónarhornum, til að horfa handan blindhæðarinnar og sjá lifaðan veruleika einstaklinga sem eru ekki hvítir á hörund eða falla ekki inn í samfélag innfæddra. Þessi sýning er í senn innsýn inn í öráreitni, samfélagslega skúfun og kerfisbundinn rasisma, og líka tækifæri til að takast á við þessi samfélagslegu vandamál. Á sýningunni má sjá verk Salad Hilowle, Nayab Ikram, Hugo Llanes og Claire Paugam.

70 ára afmælistónleikar Björgvins

Hvar? Myndlykill Símans eða netstreymi
Hvenær? 16. apríl kl. 20.00
Aðgangseyrir: 3.400 kr.

Björgvin Halldórsson hefur verið hluti af íslenskri dægurtónlist í fjölda áratuga, en hann var ein af fyrstu poppstjörnum landsins á 7. áratugnum. Björgvin er meðal annars þekktur fyrir jólalögin sín fjölmörgu sem hann aðlagaði úr eldri ítölskum lögum. Hann heldur upp á afmæli sitt með streymistónleikum þar sem hann rifjar upp ferilinn í tali, tónlist og myndum.

Stöplar

Hvar? Hannesarholt
Hvenær? Til 15. apríl
Aðgangseyrir: Ókeypis!

Hugmyndin að baki þessari sýningu Unnars Ara Baldvinssonar er jafnvægið á litum, formum, myndinni sjálfri og rammanum í kring. Litir samsettir með formum sem teygja sig yfir og út fyrir rammann. Rammarnir eru smíðaðir sérstaklega í kringum tréplötur og litirnir flæða þar yfir.

Augnsamband

Hvar? Borgarbókasafnið Spönginni
Hvenær? Til 15. apríl
Aðgangseyrir: Ókeypis!

Verkin á þessari sýningu eru flest unnin á tímum Covid-19, en Anna Gunnlaugsdóttir nálgast ásjónu faraldursins í gegnum andlit máluð á striga og pappír. Andlitsmyndirnar vísa í innra ástand okkar við áreiti umhverfisins í breyttri samfélagsmynd á tímum veirunnar, þar sem einangrun, kvíði og óöryggi ráða ferðinni, en þar ríkir líka ákveðinn friður í einfaldari dagskipan. 

Sirra Sigrún Sigurðardóttir

Hvar? Ásmundarsafn
Hvenær? 22. apríl til 17. október
Aðgangseyrir: 1.880 kr.

Verk Sirru eru kosmísk í eðli sínu og tengjast gjarnan inn á vangaveltur um stöðu okkar inni í gangverki náttúrunnar, eðlisfræðinnar og þeirra afla sem halda heiminum gangandi. Á þessari sýningu nýtir Sirra umfangsmesta skúlptúr Ásmundar, bygginguna sjálfa, og speglaða geisla sólarinnar til að búa til risavaxna teikningu í formi abstrakt sólúrs.

Berskjölduð

Hvar? Listasafn Reykjanesbæjar
Hvenær? Til 25. apríl
Aðgangseyrir: Ókeypis!

Sýningin er samsýning ellefu listamanna sem fanga á ólíkan hátt áskoranir og viðfangsefni í lífinu. Þau nota eigin sjálfsímynd og reynsluheim sem efnivið og úr því verða til opinská og djörf verk sem við sjálf getum tengt okkur við eða lært af. Sýningin er verkefni meistaranema í sýningagerð við Listaháskóla Íslands.

Jörðin geymir marga lykla

Hvar? Nýlistasafnið
Hvenær? Til 25. apríl
Aðgangseyrir: Ókeypis!

Á þessari sýningu kannar skoska myndlistarkonan Katie Paterson heimspekilegar og raunverulegar tengingar manneskjunnar við umheiminn. Hún hefur kortlagt dauðar stjörnur himingeimsins, búið til ljósaperu sem gefur frá sér tunglskin, endursent loftstein út í geim og þróað ilmkerti sem brennur í ferðalagi frá ilmandi yfirborði jarðar, upp til tunglsins og loks inn í tómarúm.

Skýjaborg

Hvar? Gerðarsafn
Hvenær? Til 15. maí
Aðgangseyrir: 2.500 kr.

Skýjaborg er sýning á verkum fjögurra samtímalistamanna sem sprettur úr sameiginlegum grunni: Kópavogi. Skýjaborg vitnar um háleitar áætlanir á stórum og smáum skala. Einstaklinga sem byggja sér heimili úr niðurníddum kofa, ung pör sem reisa fjölbýli og samtök íbúa sem láta til sín taka í málefnum síns bæjarfélags.

Töfrafundur – áratug síðar

Hvar? Hafnarborg
Hvenær? Til 30. maí
Aðgangseyrir: Ókeypis!

Þessi sýning er næsti kaflinn í starfi listamannateymisins Libiu Castro og Ólafi Ólafssyni, sem einkennist af félagslegri virkni og inngripi, þar sem þau kanna tengslin á milli listar og aktívisma, auk þess sem þau vinna með kynngi listarinnar og mögulegan kraft hennar til að stuðla að samfélagslegum breytingum. 

Eilíf endurkoma

Hvar? Kjarvalsstaðir
Hvenær? Til 19. september
Aðgangseyrir: 1.880 kr.

Á þessari viðamiklu sýningu mynda verk Jóhannesar S. Kjarvals (1885–1972) þráð sem tengir tvenna tíma. Hér er verkum hans teflt fram ásamt verkum myndlistarmanna sem sett hafa svip sinn á íslenskt listalíf síðustu ár. Verk eftir fimmtán listamenn, meðal annars Ragnar Kjartansson og Steinu Vasulku, og eitt listamannateymi eru til sýnis með verkum Kjarvals.

Kjósa
0
Hvernig finnst þér þessi grein? Skráðu þig inn til að kjósa.

Athugasemdir

Allar athugasemdir eru ábyrgð á þeirra sem þær skrifa. Heimildin áskilur sér rétt til að fjarlægja ærumeiðandi og óviðeigandi athugasemdir.
Tengdar greinar

Stundarskráin

Mest lesið

Mest lesið

Mest lesið í vikunni

Mest lesið í mánuðinum

Hann var búinn að öskra á hjálp
3
Viðtal

Hann var bú­inn að öskra á hjálp

Hjalti Snær Árna­son hvarf laug­ar­dag­inn 22. mars. For­eldr­ar hans lásu fyrst um það í frétt­um að hans væri leit­að í sjón­um, fyr­ir það héldu þau að hann væri bara í göngu­túr. En hann hafði lið­ið sál­ar­kval­ir, það vissu þau. Móð­ir Hjalta, Gerð­ur Ósk Hjalta­dótt­ir, lýs­ir því hvernig ein­hverf­ur son­ur henn­ar gekk á veggi allt sitt líf, og hvernig hann veikt­ist svo mik­ið and­lega að þau voru byrj­uð að syrgja hann löngu áð­ur en hann var dá­inn.
Forsprakki útifundar játaði fjárdrátt á leikskólanum Klettaborg
4
Fréttir

Forsprakki úti­fund­ar ját­aði fjár­drátt á leik­skól­an­um Kletta­borg

Sig­fús Að­al­steins­son, stofn­andi hóps­ins Ís­land - þvert á flokka, sem stend­ur fyr­ir úti­fund­um um hæl­is­leit­end­ur, ját­aði á sig fjár­drátt frá leik­skól­an­um Kletta­borg þeg­ar hann var for­stöðu­mað­ur þar. Hann vill ekki dæma hvort brot af því tagi séu nógu al­var­leg til að inn­flytj­end­ur sem gerð­ust sek­ir um þau ætti að senda úr landi.
Fjölskyldurnar sem eiga fiskana í sjónum
6
GreiningSjávarútvegsskýrslan

Fjöl­skyld­urn­ar sem eiga fisk­ana í sjón­um

Inn­an við tíu fjöl­skyld­ur eiga og stýra stærstu sjáv­ar­út­vegs­fyr­ir­tækj­um lands­ins. Þau fyr­ir­tæki sem skráð hafa ver­ið á mark­að eru enn und­ir stjórn, og að uppi­stöðu í eigu, þeirra ein­stak­linga sem fengu gjafa­kvóta. Fjár­fest­ing­ar eig­enda út­gerð­anna í öðr­um og óskyld­um grein­um nema tug­um millj­arða og teygja sig í maj­ónes­fram­leiðslu, skyndi­bitastaði, trampólín­garða og inn­flutn­ing á bleyj­um og síga­rett­um.

Mest lesið í mánuðinum

Nýtt efni

Mest lesið undanfarið ár