Í Stóru mál­unum þessa vik­una verður rætt um nýaf­staðin upp­still­ing Sam­fylk­ing­ar­innar fyrir alþing­is­kosn­ingar, en þær munu fara fram 25. sept­em­ber næst­kom­andi.  Katrín Júl­í­us­dóttir, fyrr­ver­andi vara­for­maður flokks­ins segir til­raun­ina hafa verið góða en hún hafi ekki heppn­ast.

Margir hafa gagn­rýnt þá aðferð sem flokk­ur­inn not­að­ist við í upp­still­ingu og voru ekki allir sáttir með hana. Alþing­is­mað­ur­inn Ágúst Ólafur Ágústs­son afþakk­aði þriðja sætið á lista flokks­ins í öðru hvoru kjör­dæmum Reykja­víkur. Þá hætti Jóhanna Vigdís Guð­munds­dóttir, vara­þing­maður Sam­fylk­ing­ar­innar, í flokknum eftir próf­kjörið.

Gestir Stóru mál­anna að þessu sinni eru þau Katrín Júl­í­us­dóttir, fram­kvæmda­stjóri félags fjár­mála­fyr­ir­tækja, fyrr­ver­andi vara­for­maður Sam­fylk­ing­ar­innar og fyrr­ver­andi ráð­herra og Andrés Magn­ús­son, full­trúi rit­stjóra Morg­un­blaðs­ins, en hann skrif­aði ítar­lega grein í Morg­un­blaðið um próf­kjörið.

Andrés segir að próf­kjörið, eins og það var sett upp, hafi verið sér­stak­lega erfitt fyrir fólk eins og Ágúst Ólaf Ágústs­son, þing­mann Sam­fylk­ing­arnar. Hann segir að fyrir stjórn­mála­menn sem verða fyrir sama stjórn­mála­legu áfalli og Ágúst Ólafur lenti í eigi bara eina leið til að rétta sig við. Það sé gert með fyrir til­stilli kjós­enda.

„Eins og með Ágúst Ólaf sem verður fyrir áfalli á kjör­tíma­bil­inu og sætir mik­illi gagn­rýni á því. Það er svo rifjað upp fyrir skömmu af öðru til­efni. Fyrir stjórn­mála­menn sem koma sér í slíkt klandur þá er ein­ungis ein leið til að rétta sig við og það gera þeir fyrir til­stilli kjós­enda. Hann var sviptur því tæki­færi. Ég skil vel að hann sé svo­lítið mikið súr út af því.“ 

Andrés segir einnig að fingraför Loga Ein­ars­sonar, for­mann Sam­fylk­ing­arnar, hafi verið á upp­still­ing­unni og að Logi hafi gefið sterkar vís­bend­ingar til flokks­manna sinna um að Kristrún Frosta­dóttir hafi átt að vera ofar­lega á lista. Kristrún mun leiða lista flokks­ins í Reykja­vík­ur­kjör­dæmi suður í kom­andi kosn­ingum.

„Ég held að það sé tvennt sem við verðum að minn­ast á í þessu sam­hengi. Annað sem stendur okkur nær í tíma og á við hér og nú. Fingraför Loga voru á þessu öllu. Hann vildi aug­ljós­lega breyta ásýnd flokks­ins og áherslum. Hann hlut­ast til þess að Kristrún Frosta­dóttir er sótt. Það er gefin mjög sterk vís­bend­ing til flokks­manna um að hún þurfi að vera á sínum stað. Nú veit maður auð­vitað ekk­ert hvernig þessi skoð­ana­könnun fór. Logi ber, held ég, veru­lega ábyrgð á því hvernig þessi listi lítur út. Alveg burt­séð frá aðferð­ar­fræð­inni til að kom­ast þangað. Vogun vinnur, vogun tapar. Ég held að það sé fátt hægt að segja um það. Listinn var sam­þykktur af full­trúa­ráð­inu og það er bara sögu­lok þar.“ 

Þá segir Andrés að for­tíð Sam­fylk­ing­arnar hafi haft áhrif á þá nið­ur­stöðu sem átti sér stað í upp­still­ingu flokks­ins í Reykja­vík­ur­kjör­dæm­unum.

„En síðan held ég að það sé annað sem búi þarna að baki, svona baksaga. Þegar Sam­fylk­ingin var mynduð, þá strax voru kratar eitt­hvað fúlir. Þeim fannst Kvenna­list­inn fá of mikil ítök. Þetta hélt svo­lítið áfram vegna þess að fram­bjóð­endur voru að koma sterk­ari úr hinum flokk­unum. Síðan bara breyt­ast tím­arnir, áhersl­urnar og ein­hverjir fóru, eins og gengur og ger­ist. En það bæt­ist við sum sé að fyrir nokkrum árum þá var haldið hér lítið próf­kjör þar sem farið var út í það, af Helgu Völu og fleirum, að grisja ræki­lega út af flokka­skránni þeir sem voru í Rósinni, sem var eitt af jafn­armanna­fé­lög­unum. Ég þekki bara slatta af fólki sem fékk ekki að kjósa þá og kvaddi flokk­inn fyrir fullt og fast. Það var bara sár­móðgað yfir því að hafa ekki fengið að taka þátt á þeim tíma. Þetta var mál­funda­fé­lag krata í bænum. Þegar það var farið í það að henda þaðan út, það var látið að því liggja að fólk hafi verið skráð þar inn í kippum. Það fólk sem ég þekki, þetta er bara fólk sem var búið að vera í Alþýðu­flokknum oft um áraraðir og voru eðal­kratar.“

Þáttinn í heild sinni má sjá hér að ofan.