Þrautin í gær, munduði eftir að gæta að henni?

***

Fyrri aukaspurning:

Svart fólk var ekki beinlínis hluti af fína fólkinu á Bretlandi á 19. öld, en sú er þó raunin í sjónvarpsseríu einni, eins og sjá má á myndinni hér að ofan. Hvað heitir sjónvarpsserían?

***

Aðalspurningar:

1.   Hvað hét sá forseti Venesúela sem lést 2013?

2.   Ása Ólafsdóttir, Benedikt Bogason, Björg Thorarensen, Ingveldur Einarsdóttir, Karl Axelsson, Ólafur B. Þorvaldsson og Sigurður Tómas Magnússon. Hvaða fólk er þetta? 

3.   Hvaða ár féll Berlínarmúrinn?

4.   Svanhildur Konráðsdóttir tók árið 2017 við gagnmerku starfi í menningargeiranum íslenska. Hún veitir forstöðu ... hverju?

5.   Hvað hét nasistaforinginn sem Ísraelsmenn rændu í Argentínu 1960?

6.   Hvaða fræga hljómsveit söng um kafbát?

7.   Í grískum goðsögnum segir frá því að jötunn einn hafi komist í svo mikla ónáð guðanna að hann var lokum hlekkjaður niður og píndur þannig að örn kroppaði í lifur hans á hverjum degi. Hvað hét jötunninn?

8.   Í norrænum goðsögum segir á sama hátt frá Loka sem guðirnir hlekkja niður og eiturnaðra lætur eitur drjúpa í andlit hans. Kona Loka heldur hins vegar skál yfir andliti hans svo eitrið drjúpi í hana. Hvað heitir hin trygglynda kona Loka?

9.   Stundum verður kona Loka hins vegar að losa skálina, þegar hún er orðin full. Hvað gerist þá?

10.   Hvað hét sú drottning af Kastilíu sem kostaði — ásamt manni sínum — för Kristófers Kólumbusar yfir Atlantshafið?

Síðari aukaspurning:

Af hvaða tegund er bíllinn hér að neðan?

***

Svör við aðalspurningum:

1.   Chavez.

2.   Þau eru núverandi Hæstaréttardómarar.

3.   1989.

4.   Hörpu.

5.   Eichmann.

6.   Bítlarnir.

7.   Prómeþeifur.

8.   Sigyn.

9.   Þá skelfur Loki svo við að fá eitrið framan í sig að jarðskjálftar verða.

10.   Ísabella.

***

Svör við aukaspurningum:

Skjáskotið efst er úr sjónvarpsseríunni Bridgerton.

Bíllinn hvíti er af gerðinni Citroën.

***

Og hlekkur á þrautina síðan í gær!